محکمہ موسمیات دی ہفتے دی رات توں 06 اکتوبر تئیں ملک اچ زور دا مینھ وسݨ دی پیشنگوئی

اسلام آباد۔4 اکتوبر(اے پی پی) محکمہ موسمیات ہفتے دی رات توں 06 اکتوبر تئیں زور دا مینھ وسݨ پاروں دیر، سوات، شانگلہ، بونیر، کوہستان، مانسہرہ، ایبٹ آباد، چارسدہ، نوشہرہ، صوابی، مردان، مری، گلیات، اسلام آباد/راولپنڈی تے کشمیر دے مقامی/برساتی ندی نالیں وچ طغیانی دے خطرے دا ݙر ظاہر کیتے۔ ایں دوران اندھاری/جھکڑ چلݨ، ژالہ باری تے کھمݨ گاجاں پاروں روزمرہ دے معمولات متاثر تھیوݨ، کمزور انفراسٹرکچر (کچے گھر/دیواراں، بجلی دے کھمبے، بل بورڈز، گاݙیاں، سولر پینل وغیرہ) کوں ضیان دا ݙر ۔ مسافر تے سیاح حضرات سفر دے دوران محتاط رہن تے موسمی حالات موجب اپݨے سفر دا انتظام کرن۔ محکمہ موسمیات موجب آندے 24 گھنٹے دے دوران ملک دے ٻہوں سارے علاقیں اچ موسم رُکھا رہسی۔ تاں جو اُتلے خیبر پختونخوا، کشمیر، گلگت بلتستان، اسلام آباد، اُتلے پنجاب تے سندھ دے ساحلی علاقیں وچ موسم جھڑ آلا رہݨ دے علاوہ تکھی ہوا تے کھمݨ گاجاں نال کجھ جہیں تے مینھ وسݨ دا امکان اے ۔ اتوار کوں خیبر پختونخوا، کشمیر، گلگت بلتستان، اسلام آباد، پنجاب وچ اکثر جہیں تے تکھی ہوا تے اندھاری گھلݨ نال مینھ وسݨ دا امکان اے ۔ ایں دوران کجھ جہیں تے زور دا مینھ وسݨ دا امکان اے ملک دے ݙوجھے علاقیں وچ موسم گرم تے رُکھا رہݨ دی توقع اے ۔ گزریل 24 گھنٹے دے دوران ملک دے ٻہوں سارے علاقیں اچ موسم گرم تے رُکھا ریہا۔ تاں جو اُتلے خیبرپختونخوا، اُتلے پنجاب، گلگت بلتستان تے تلویں سندھ وچ کجھ جہیں تے تکھی ہوا تے کِھمݨ گاجاں نال مینھ وُٹھا ۔ ساریں توں ودھ مینھ خیبرپختونخوا: پشاور ایئرپورٹ 15، پتن 14، پاراچنار 10، دیر 03، چترال 01، گلگت بلتستان: استور 04، بگروٹ 02، بونجی 01، پنجاب: منگلا 03، منڈی بہاؤالدین 02، سندھ: پڈعیدن وچ 02 ملی میٹر مینھ وُٹھے ۔ ہفتے کوں ریکارڈ کیتے ڳئے ودھ توں ودھ درجہ حرارت: تربت 42، بہاولپور، رحیم یارخان، بہاولنگر تے خانپور وچ 39 ڈگری سینٹی گریڈ ریکارڈ کیتا ڳئے۔