قائم مقام صدرسردار ایاز صادق دا خضدار وچ فتنہ الہندوستان دے 14 دہشتگرداں کوں جہنم واصل کرݨ تے سیکیورٹی فورسز کوں خراج تحسین

اسلام آباد۔4 اکتوبر(اے پی پی) قائم مقام صدر سردار ایاز صادق خضدار وچ فتنہ الہندوستان دے 14 دہشتگرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ قومی اسمبلی سیکرٹریٹ توں جاری بیان وچ انہاں آکھیے جو سکیورٹی فورسز دی فتنہ الہندوستان دے دہشتگرداں دے خلاف فیصلہ کن کارروائیاں قابل ستائش ہن، پاک افواج دا دہشتگردی دی بیخ کنی کیتے غیر متزلزل عزم قابل تحسین اے، قائم مقام صدر سردار ایاز صادق آکھیے جو پوری قوم دہشتگردی دے خاتمے کیتے افواج پاکستان دے رلے کھڑی اے، فتنہ الہندوستان دے شرپسند عناصر وقتی اپݨے انجام کوں پڄسن ، پوری قوم دے تعاون نال پاک افواج وقتی دہشتگردی تے قابو پاوݨ وچ کامیاب تھیسن ۔ سردار ایاز صادق آکھیا جو دہشتگردی دے خلاف جنگ وچ نبردآزما سکیورٹی فورسز دے جری جواناں دی جرات تے بہادری کوں سلام پیش کرینداں۔