استاد معاشرے دا ساریں توں معتبر تے قابل احترام طبقہ ہن ، مریم نواز

لاہور۔5 اکتوبر (اے پی پی) وزیراعلیٰ پنجاب مریم نواز آکھیے جو استاد کرام معاشرے دا معتبر تے قابل احترام طبقہ ہن، چنڳا استاد معاشرے دی ترقی وچ کلیدی کردار تے مثبت تبدیلی دا بنیاد رکھ سڳدے۔ استاداں دے عالمی ݙینھ تے آپݨے پیغام وچ انہاں آکھیا جو استاد ہی او شخصیت اے جیڑھی طالب علم کوں جہالت دے اندھارے توں کڈھ تے علم تے ہنر دی روشنی نال آشنا کریندی اے، استاد طلبہ کوں صرف پڑھیندے کائنی، زندگی جیوݨ دا سلیقہ وی سکھیندن، قوماں دی تعمیر و ترقی تے نسلاں دی انفرادی تعلیم و تربیت وچ استاداں دا کلیدی کردار اے۔ وزیراعلیٰ آکھیا جو استاد نسلاں دی سوچ دی جہت، کردار دی سمت تے معاشرتی شعور عطا کریندے، استاد دی عظمت، کردار تے رتبے دے اعتراف کرݨ آلیاں قوماں ہی ترقی دیاں منزلاں طے کریندن، معاشرے دی فکری بلندی تے قومی خودی استاد دی رہنمائی دی مرہون منت اے۔ انہاں آکھیا جو معلم اعظم حضرت محمد ﷺ تے کروڑاں درود سلام، استاد دی عظمت دے اعتراف کیتے ہک ݙینھ ناکافی اے، معاشرے دا فرض اے جو استاداں دی عزت تے تکریم وچ کہیں طور وی کوئی کمی نہ تھیوے۔ وزیراعلیٰ مریم نواز استاداں کوں خراج تحسین پیش کریندے آکھیا جو استاد دی عظمت لازوال تے بے مثال اے، استاد کرام معاشرے دا ساریں توں معتبر تے قابل احترام طبقہ ہن، اپݨے گرامی قدر استاداں سودھے ہر استاد دی عظمت کوں سلام پیش کریندوں، پنجاب دے لکھاں استاداں دی محنت تے لگن دی تعریف کریندے انہاں آکھیے جو چنڳاں استاد ہی معاشرے وچ مثبت تبدیلی دی بنیاد رکھ سڳدے۔