پترا جایا، 6 اکتوبر (اے پی پی) وزیراعظم محمد شہباز شریف دے ملائیشیا دے وزیراعظم دے دفتر (پرداناپترا) پڄݨ تے انہاں دے اعزاز اچ باضابطہ استقبالیہ تقریب تھئی۔ ملائیشیا دے وزیراعظم انور ابراہیم وزیراعظم محمد شہباز شریف دا گرمجوشی نال استقبال کیتا۔ وزیراعظم کوں ملائیشیا دی مسلح افواج دے دستے گارڈ آف آنر پیش کیتا۔ وزیراعظم گارڈ آف آنر دا معائنہ کیتا۔ ایں موقعے تے ڈوہیں ملکاں دے قومی ترانے …
وزیراعظم شہباز شریف دا ملائیشیا دے وزیراعظم دے دفتر اچ پرتپاک استقبال
پترا جایا، 6 اکتوبر (اے پی پی) وزیراعظم محمد شہباز شریف دے ملائیشیا دے وزیراعظم دے دفتر (پرداناپترا) پڄݨ تے انہاں دے اعزاز اچ باضابطہ استقبالیہ تقریب تھئی۔ ملائیشیا دے وزیراعظم انور ابراہیم وزیراعظم محمد شہباز شریف دا گرمجوشی نال استقبال کیتا۔ وزیراعظم کوں ملائیشیا دی مسلح افواج دے دستے گارڈ آف آنر پیش کیتا۔ وزیراعظم گارڈ آف آنر دا معائنہ کیتا۔ ایں موقعے تے ڈوہیں ملکاں دے قومی ترانے وی وجائے ڳئے۔ ملائیشیا دے وزیراعظم وزیراعظم محمد شہباز شریف کوں آپݨی کابینہ دے ارکان نال متعارف کرایا۔ وزیراعظم شہباز شریف ملائیشیا دے وزراء تے ٻئے عہدے داراں نال مصافحہ کیتا جݙاں جو وزیراعظم آپݨے وفد دے ارکان کوں ملائیشیا دے وزیراعظم نال متعارف کرایا۔ وزیراعظم محمد شہباز شریف تے ملائیشیا دے وزیراعظم انور ابراہیم دی کتاب “اسکرپٹ” دے اردو ترجمے دی رونمائی کریسن۔ ڈوہیں رہنما پاکستان تے ملائیشیا دے درمیان مختلف شعبیاں اچ تعاون ودھاوݨ بارے معاہدے تے مفاہمتی یادداشتاں تے دستخط دی تقریب اچ شرکت کریسن۔ ایں دے بعد وزیراعظم پاکستان تے وزیراعظم ملائیشیا مشترکہ پریس سٹیٹمنٹ ݙیسن۔
