کوالالمپور۔7اکتوبر (اے پی پی) وزیراعظم محمد شہباز شریف کوں ملک دی تعمیر تے ترقی اچ انہاں دی غیر معمولی قیادت اتے خدمات دے اعتراف اچ بین الاقوامی اسلامی یونیورسٹی آف ملائیشیا (آئی آئی یو ایم) لیڈرشپ اتے گورننس اچ پی ایچ ڈی (ڈاکٹریٹ) دی اعزازی ݙگری عطا کیتی۔ ایں سلسلے اچ منگل کوں اتھاں آئی آئی یو ایم دے کوالالمپور کیمپس دے اسلامی فکر و تہذیب دے بین الاقوامی انسٹی …
وزیراعظم شہباز شریف کوں ملک دی تعمیر تے ترقی اچ غیر معمولی قیادت اتے خدمات دے اعتراف اچ ملائیشیا دی یونیورسٹی ڈاکٹریٹ دی اعزازی ݙگری ݙتی
کوالالمپور۔7اکتوبر (اے پی پی) وزیراعظم محمد شہباز شریف کوں ملک دی تعمیر تے ترقی اچ انہاں دی غیر معمولی قیادت اتے خدمات دے اعتراف اچ بین الاقوامی اسلامی یونیورسٹی آف ملائیشیا (آئی آئی یو ایم) لیڈرشپ اتے گورننس اچ پی ایچ ڈی (ڈاکٹریٹ) دی اعزازی ݙگری عطا کیتی۔ ایں سلسلے اچ منگل کوں اتھاں آئی آئی یو ایم دے کوالالمپور کیمپس دے اسلامی فکر و تہذیب دے بین الاقوامی انسٹی ٹیوٹ اچ تھیوݨ آلی خصوصی کانووکیشن دا انعقاد تھیا جئیں اچ ملائیشیا دی ریاست پہانگ دی ملکہ اتے بین الاقوامی اسلامی یونیورسٹی آف ملائیشیا دی آئینی سربراہ تنکو عزیزہ امینہ میمونہ سکندریہ وزیراعظم محمد شہباز شریف کوں ڈاکٹریٹ دی اعزازی ݙگری ݙتی۔ ایں موقع تے نائب وزیراعظم تے وزیرِ خارجہ اسحاق ڈار، وفاقی وزیر اطلاعات و نشریات عطااللہ تارڑ، وفاقی وزیر برائے نیشنل فوڈ سکیورٹی و ریسرچ رانا تنویر حسین، وزیراعظم دے معاون خصوصی طارق فاطمی، ملائیشیا دے وزیرِ مواصلات فہمی فاضل، ملائیشیا دے وزیر برائے اُوچی تعلیم ڈاکٹر زیمبری عبدالقادر، ملائیشیا دی بین الاقوامی اسلامی یونیورسٹی دے صدر تان سری عبدالرشید حسین اتے ریکٹر پروفیسر عثمان باقر اتے پاکستان دے ہائی کمشنر سید احسن رضا شاہ وی موجود ہن۔
