کوالالمپور۔7اکتوبر (اے پی پی) وفاقی وزیر تجارت جام کمال خان ملائیشیا دے وزیر برائے ڈیجیٹل وائی بی توان گوبند سنگھ دیو نال کوالالمپور اچ پاکستان ملائیشیا بزنس اینڈ انویسٹمنٹ کانفرنس دے موقع تے ملاقات کیتی۔ منگل کوں جاری پریس ریلیز موجب ملاقات اچ وزیر تجارت اتے ملائیشیائی وزیر برائے ڈیجیٹل پاکستان اتے ملائیشیا دے وچال تجارت، سرمایہ کاری اتے تکنیکی تعاون کوں فروغ ݙیوݨ اچ ڈیجیٹل تبدیلی دی ودھدی ہوئی …
وفاقی وزیر جام کمال خان دی ملائیشیا دے وزیر برائے ڈیجیٹل وائی بی توان گوبند سنگھ دیو نال ملاقات، ڈیجیٹل اتے آئی ٹی دے شعبیاں اچ ݙو پاسہ تعاون کوں مضبوط بݨاوݨ تے اتفاق
کوالالمپور۔7اکتوبر (اے پی پی) وفاقی وزیر تجارت جام کمال خان ملائیشیا دے وزیر برائے ڈیجیٹل وائی بی توان گوبند سنگھ دیو نال کوالالمپور اچ پاکستان ملائیشیا بزنس اینڈ انویسٹمنٹ کانفرنس دے موقع تے ملاقات کیتی۔ منگل کوں جاری پریس ریلیز موجب ملاقات اچ وزیر تجارت اتے ملائیشیائی وزیر برائے ڈیجیٹل پاکستان اتے ملائیشیا دے وچال تجارت، سرمایہ کاری اتے تکنیکی تعاون کوں فروغ ݙیوݨ اچ ڈیجیٹل تبدیلی دی ودھدی ہوئی اہمیت تے زور ݙتا۔ݙوہیں وزراء ای کامرس پلیٹ فارم کوں وسعت ݙیوݨ، سرحد پار ڈیجیٹل خدمات دی سہولت فراہم کرݨ، سائبر سکیورٹی تعاون کوں مضبوط بݨاوݨ اتے مصنوعی ذہانت اتے جی فائیو انفراسٹرکچر جیڑھی اُبھردی ہوئی ٹیکنالوجیز اچ مشترکہ منصوبیاں کوں فروغ ݙیوݨ تے وی ڳالھ مہاڑ کیتی۔ ݙوہائیں وزراء وزیراعظم محمد شہباز شریف اتے وزیراعظم داتو سری انور ابراہیم دے وچکار کامیاب اتے نتیجہ خیز ملاقات تے اطمینان دا اظہار کیتا۔ انہاں ایں امید دا وی اظہار کیتا جو پاکستان سافٹ ویئر ہاؤسز ایسوسی ایشن برائے آئی ٹی اتے آئی ٹی ای ایس (پاشا) اتے نیشنل ٹیک ایسوسی ایشن آف ملائیشیا (پی آئی کے او ایم) دے وچال آئی ٹی دے شعبے اچ تعاون دے دوران تھیوݨ آلے ایم او یو تے دستخط پاکستان اتے ملائیشیا وچال ڈیجیٹل روابط کوں نمایاں طور تے مضبوط اتے گہرا کریسن۔ݙوہیں وزراء مشترکہ طور تے ٹیک کنیکٹ کانفرنس دا افتتاح وی کیتا اتے ملائیشیا اتے پاکستان دی سرکردہ اتے اُبھردی ہوئی کمپنیاں دی نمائندگی کرݨ آلے شرکا نال کلیدی خطابات وی کیتے۔ ایں تقریب اچ ایم ڈی ای سی، سائبر ویو، ملائیشیا سیمی کنڈکٹر انڈسٹری ایسوسی ایشن، پی آئی کے او ایم جیڑھی ممتاز تنظیماں دے نال نال اے ڈبلیو ایس اتے اوریکل دے نمائندے وی شریک ہن۔
