اورکزئی آپریشن اچ19 دہشت گرداں دی ہلاکت تے پاک فوج دے نینگراں کوں سلام ،اے بہادری دی نویں مثال اے، وزیرریلوے محمد حنیف عباسی

اسلام آباد۔8اکتوبر(اے پی پی) وفاقی وزیرریلوے محمد حنیف عباسی اورکزئی آپریشن اچ بھارتی سرپرستی اچ سرگرم 19 دہشت گرداں کوں جہنم واصل کرݨ تے پاک فوج دے نینگراں کوں سلام پیش کریندے آکھیے جو اے دہشت گردی دے خلاف بہادری دی نویں مثال اے۔ آپݨے بیان اچ وفاقی وزیر آکھیا جو پاک فوج دے بہادر سپوتاں بھارتی سرپرستی اچ سرگرم 19 دہشت گرد واصل جہنم کرݙتن، آپریشن دے دوران لیفٹیننٹ کرنل جنید طارق اتے میجر طیب سودھے 11 بہادر جواناں وی جام شہادت نوش کیتا۔ وفاقی وزیر آکھیا جو امن و استحکام کیتے جاناں دا نذرانہ پیش کرݨ آلے شہداء کوں خراج عقیدت پیش کریندوں ، پاک فوج دے بہادر سپوتاں دی ہمت تے قوم دا سلام اے۔ انہاں شہداء کیتے مغفرت اتے انہاں دے گھر آلیں نال اظہار یکجہتی کیتی۔ محمد حنیف عباسی آکھیا جو دہشت گردی مکاوݨ کیتے پاک فوج دا عزم مزید تکڑا تھی ڳئے، قوم آپݨے ہیروز دیاں قربانیاں کوں کݙاہیں نہ بُھلیسی، دہشت گردی منڈھوں مکاوݨ تئیں اے جنگ جاری رہسی۔