اسلام آباد۔9اکتوبر (اے پی پی) صدرِ مملکت آصف علی زرداری ڈیرہ اسماعیل خان دے علاقے درابن اچ دہشت گرداں دے خلاف سکیورٹی فورسز دی کامیاب کارروائی تے خراج تحسین کریندیں ہوئیں آکھیا جو پاک فوج اتے قوم دا عزم دہشت گردی دے مکمل خاتمے تئیں قائم رہسی۔ خمیس کوں ایوان صدر دے پریس ونگ توں جاری بیان دے مطابق صدرِ مملکت میجر سبطین حیدر دی بہادری، قیادت اتے قربانی کوں …
صدرِ مملکت آصف علی زرداری دا ڈیرہ اسماعیل خان اچ دہشت گرداں دے خلاف سکیورٹی فورسز دی کامیاب کارروائی تے خراج تحسین
اسلام آباد۔9اکتوبر (اے پی پی) صدرِ مملکت آصف علی زرداری ڈیرہ اسماعیل خان دے علاقے درابن اچ دہشت گرداں دے خلاف سکیورٹی فورسز دی کامیاب کارروائی تے خراج تحسین کریندیں ہوئیں آکھیا جو پاک فوج اتے قوم دا عزم دہشت گردی دے مکمل خاتمے تئیں قائم رہسی۔ خمیس کوں ایوان صدر دے پریس ونگ توں جاری بیان دے مطابق صدرِ مملکت میجر سبطین حیدر دی بہادری، قیادت اتے قربانی کوں خراجِ عقیدت پیش کریندیں ہوئیں آکھیا جو میجر سبطین حیدر وطن دے دفاع اچ آپݨی جان قربان کر تے عظیم مثال قائم کیتی۔ انہاں شہید افسر دے گھر آلیاں نال دلوں ہمدردی اتے تعزیت دا اظہار کریندیں ہوئیں آکھیا جو بھارتی سرپرستی اچ سرگرم فتنہ خوارج دا انجام ہمیشہ عبرتناک ہوسی۔ صدر آصف علی زرداری آکھیا جو پاک فوج اتے قوم دا عزم دہشت گردی دے مکمل خاتمے تئیں قائم رہسی، شہداء دی قربانیاں قومی سلامتی اتے اتحاد دی ضامن ہن۔
