سپیکر قومی اسمبلی سردار ایاز صادق دا ڈیرہ اسماعیل خان اچ بھارتی اسپانسرڈ دہشت گرداں دے خلاف کامیاب کارروائی تے سکیورٹی فورسز کوں خراجِ تحسین

اسلام آباد۔9اکتوبر (اے پی پی) سپیکر قومی اسمبلی سردار ایاز صادق ڈیرہ اسماعیل خان اچ بھارتی اسپانسرڈ دہشت گرداں دے خلاف کامیاب کارروائی تے سکیورٹی فورسز کوں خراجِ تحسین پیش کریندیں ہوئیں شہید میجر سبطین حیدر کوں خراج عقیدت پیش کیتے۔ خمیس کوں آپݨے ہک بیان اچ انہاں آکھیا جو سکیورٹی فورسز دی ویلھے تے کارروائی اچ ست بھارتی حمایت یافتہ دہشت گرداں دا جہنم واصل تھیوݨ تعریف دے لائق اے، شہید میجر سبطین حیدر کوں انہاں دی بہادری تے خراجِ عقیدت پیش کرینداں، میجر سبطین حیدر اتے انہاں سویں بہادر سپوتاں دی قربانیاں وطنِ عزیز دے تحفظ دی ضمانت ہن، دہشت گرد انصر کݙاہیں آپݨے خراب ارادیاں اچ کامیاب نئی تھی سڳدے۔ سکیورٹی فورسز بھارتی سرپرستی اچ سرگرم دہشت گرداں دے مکمل خاتمے کیتے پرعزم ہن۔ سپیکر سردار ایاز صادق شہید میجر سبطین حیدر دے گھر آلیاں نال دلی تعزیت اتے مکمل یکجہتی دا اظہار کریندیں ہوئیں آکھیا جو دہشت گردی دے خلاف جنگ اچ سکیورٹی فورسز دی بہادری تے استقامت تے پوری قوم کوں فخر اے۔ انہاں دعا کیتی جو اللہ شہید دے درجات بلند فرماوے اتے لواحقین کوں صبرِ جمیل عطا کرے۔