اسلام آباد۔9اکتوبر (اے پی پی) چیئرمین سینیٹ سید یوسف رضا گیلانی ڈیرہ اسماعیل خان دے علاقے اچ سکیورٹی فورسز دے اڄوکے آپریشن اچ شہید تھیوݨ آلے پاک فوج دے بہادر افسر میجر سبطین حیدر کوں خراجِ عقیدت پیش کیتا ۔ خمیس کوں سینیٹ سیکرٹریٹ توں جاری بیان موجب انہاں آکھیا جو میجر سبطین حیدر دشمن دے خراب ارادیاں کوں ناکام بݨیندیں ہوئیں بہادری، ہمت اتے پیشہ ورانہ مہارت دی ہک …
سید یوسف رضا گیلانی دا ڈیرہ اسماعیل خان اچ سکیورٹی فورسز دے اڄوکے آپریشن اچ شہید تھیوݨ آلے پاک فوج دے بہادر افسر میجر سبطین حیدر کوں خراجِ عقیدت
اسلام آباد۔9اکتوبر (اے پی پی) چیئرمین سینیٹ سید یوسف رضا گیلانی ڈیرہ اسماعیل خان دے علاقے اچ سکیورٹی فورسز دے اڄوکے آپریشن اچ شہید تھیوݨ آلے پاک فوج دے بہادر افسر میجر سبطین حیدر کوں خراجِ عقیدت پیش کیتا ۔ خمیس کوں سینیٹ سیکرٹریٹ توں جاری بیان موجب انہاں آکھیا جو میجر سبطین حیدر دشمن دے خراب ارادیاں کوں ناکام بݨیندیں ہوئیں بہادری، ہمت اتے پیشہ ورانہ مہارت دی ہک روشن مثال قائم کیتی۔ انہاں دی قیادت اچ فورسز بھارتی حمایت یافتہ دہشت گرداں دا دلیری نال مقابلہ کیتا اتے ملک دشمناں کوں جہنم واصل کیتا۔ چیئرمین سینیٹ آکھیا جو وطن دے تحفظ کیتے جاناں دا نذرانہ پیش کرݨ پوری قوم کیتے فخر دی ڳالھ اے۔ انہاں آکھیا جو قوم انہاں شہداء دی قربانیاں کوں کݙاہیں نہ بھلیسی۔ سید یوسف رضا گیلانی سکیورٹی فورسز دے سارے افسراں اتے جواناں کوں خراجِ تحسین پیش کریندیں ہوئیں آکھیا جو انہاں دی بہادری اتے فرض شناسی پاکستان دے دفاع کوں مضبوط بݨا ݙتے۔ انہاں دعا کیتی جو اللہ تعالیٰ شہداء دے درجات بلند فرماوے، لواحقین کوں صبرِ جمیل عطا کرے اتے وطنِ عزیز کوں ہر قسم دی دہشت گردی توں محفوظ رکھے۔
