وزیراعظم شہباز شریف دا اورکزئی اچ 30 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔10اکتوبر (اے پی پی) وزیراعظم محمد شہباز شریف اورکزئی اچ 30 دہشت گرداں کوں جہنم رسید کرݨ تے سکیورٹی فورسز دی پیشہ ورانہ صلاحیتاں دی تعریف کریندیں ہوئیں آکھیا جو سکیورٹی فورسز دے افسر اتے جوان آپݨی جان ہتھیلی تے رکھ تے ملک دشمن عنصراں دے ناپاک ارادیاں توں وطن دی حفاظت اچ ݙینھ رات لڳیے ہوئن، لیفٹیننٹ کرنل جنید طارق شہید اتے میجر طیب راحت شہید سودھے ٻئے شہیداں دی قربانیاں ضائع نہ تھیوݨ ݙیسوں۔ جمعہ کوں وزیراعظم آفس دے میڈیا ونگ ولوں جاری بیان دے مطابق وزیراعظم گزریل ݙینھ اورکزئی اچ دہشت گردی اچ ملوث فتنہ الخوارج دے دہشت گرداں دے خلاف جمال مایہ اچ کامیاب آپریشن تے سکیورٹی فورسز دے افسراں تے اہلکاراں کوں خراج تحسین پیش کیتا۔ وزیراعظم کارروائی اچ ملوث 30 دہشت گرداں کوں جہنم رسید کرݨ تے سکیورٹی فورسز دی پیشہ ورانہ صلاحیتاں دی تعریف کریندیں ہوئیں آکھیا جو لیفٹیننٹ کرنل جنید طارق شہید اتے میجر طیب راحت شہید سمیت ٻئے شہیداں دی قربانیاں ضائع نہ تھیوݨ ݙیسوں۔ انہاں آکھیا جو سکیورٹی فورسز دے افسر اتے جوان آپݨی جاناں ہتھیلی تے رکھ تے ملک دشمن عنصراں دے ناپاک ارادیاں توں وطن دی حفاظت اچ ݙینھ رات مصروف ہن۔ وزیرِ اعظم آکھیا جو افواج پاکستان دا ہر افسر تے جوان جو وطن عزیز دی خاطر جام شہادت نوش کریندے میݙے سمیت پوری قوم دا فخر اے، دہشت گرداں دے ناپاک ارادیاں کوں کݙاہیں کامیاب نہ تھیوݨ ݙیسوں اتے دہشت گردی دی لعنت دے ملک توں مکمل خاتمے تئیں ایںدے خلاف جنگ جاری رکھیسوں۔ وزیرِ اعظم آکھیا جو وطن دی حفاظت دے نہ ڈگمگاوݨ آلے عزم اچ میݙے سمیت پوری قوم آپݨی بہادر افواج دے نال کھڑی اے۔