سکیورٹی فورسز خیبر پختونخوا دے علاقے اورکزئی اچ شدید فائرنگ دے تبادلے اچ دہشت گردی اچ ملوث سارے 30 بھارتی سپانسرڈ خوارج کوں جہنم واصل کر ݙتا

راولپنڈی۔10اکتوبر (اے پی پی) سکیورٹی فورسز خیبر پختونخوا دے علاقے اورکزئی اچ شدید فائرنگ دے تبادلے اچ دہشت گردی دے واقعے اچ ملوث سارے 30 بھارتی سپانسرڈ خوارج کوں جہنم واصل کر ݙتے۔ جمعہ کوں آئی ایس پی آر توں جاری بیان موجب سکیورٹی فورسز 7 اکتوبر کوں ضلع اورکزئی اچ تھیوݨ آلے واقعے اچ ملوث خوارج دے خلاف جوابی کارروائیاں دا ہک سلسلہ جاری اے، جئیں اچ لیفٹیننٹ کرنل جنید طارق اتے میجر طیب راحت سمیت وطن دے بہادر پُتّر شہید تھیے۔ آپریشن اچ پکی انٹیلی جنس دی بنیاد تے ضلع اورکزئی دے علاقے جمال مایا اچ شدید فائرنگ دے تبادلے دے بعد دہشت گردی دے واقعے اچ ملوث سارے 30 بھارتی سپانسرڈ خوارج کوں جہنم واصل کر ݙتا ڳئے۔ ایں کامیاب کارروائی نال ایں بدلہ ڳھدا ڳئے اتے اصل مجرماں کوں انصاف دے کٹہرے اچ آندا ڳئے۔ علاقے اچ لُکیئے ہوئے کہیں وی ٻئے بھارتی سپانسر شدہ خارجی کوں لَبھݨ اتے اوںکوں ختم کرݨ کیتے سینیٹائزیشن دی کارروائیاں کیتی ویندی پئن۔ آئی ایس پی آر آکھیا جو سکیورٹی فورسز ملک توں بھارتی سپانسر شدہ دہشت گردی دی لعنت کوں ختم کرݨ اتے اوںکوں مُکاوݨ کیتے پُرعزم اتے ثابت قدم ہن۔