اسلام آباد۔10اکتوبر(اے پی پی)پاکستان غزہ اچ جنگ بندی دے معاہدے دے اعلان دا خیرمقدم کریندے آکھیے جو اے مشرق وسطیٰ اچ ہمیشہ رہݨ آلے امن دے قیام دا ہک تاریخی موقع اے۔ ترجمان دفتر خارجہ شفقت علی خان اتھاں پریس بریفنگ اچ آکھیا جو اساں ڳالھ مہاڑ اتے مذاکرات دے پورے عمل اچ صدر ٹرمپ دی قیادت دی تعریف کریندوں جیڑھے عالمی امن کیتے انہاں دے پکے عزم کوں ظاہر …
پاکستان دا غزہ اچ جنگ بندی دے معاہدے دے اعلان دا خیرمقدم
اسلام آباد۔10اکتوبر(اے پی پی)پاکستان غزہ اچ جنگ بندی دے معاہدے دے اعلان دا خیرمقدم کریندے آکھیے جو اے مشرق وسطیٰ اچ ہمیشہ رہݨ آلے امن دے قیام دا ہک تاریخی موقع اے۔ ترجمان دفتر خارجہ شفقت علی خان اتھاں پریس بریفنگ اچ آکھیا جو اساں ڳالھ مہاڑ اتے مذاکرات دے پورے عمل اچ صدر ٹرمپ دی قیادت دی تعریف کریندوں جیڑھے عالمی امن کیتے انہاں دے پکے عزم کوں ظاہر کریندے ۔ انہاں آکھیا جو اساں قطر، مصر اتے ترکیہ دے رہنماواں دے ایں معاہدے تے ڳالھ مہاڑ کرݨ کیتے انہاں دیاں اݨ تھک کوششاں دے کردار دی وی تعریف کیتی ۔ ترجمان فلسطینی عوام دی تعریف کریندے آکھیا جو انہاں سخت ضیان چاتے جیں کوں کݙاہیں نہیں دہرایا ونڄݨا چاہیدا ۔ ترجمان دفتر خارجہ آکھیا جو پاکستان مسجد الاقصیٰ اچ اشتعال انگیزی دی شدید مذمت کریندے۔ انہاں آکھیا جو دنیا کوں قابضین اتے غیر قانونی آباد کاراں دا محاسبہ کرݨا چاہیدے اتے ایہو جیھئے مزید اقدامات کوں روکݨا چاہیدے جیڑھے امریکی صدر ڈونلڈ ٹرمپ دی کھچاؤ کوں گھٹ کرݨ اتے ہمیشہ رہݨ آلے امن دا رستہ ہموار کرݨ کیتے کیتی ڳئی وݙیاں کوششاں کوں ضیان پڄیندن
