اسلام آباد۔11اکتوبر (اے پی پی) وزیراعظم محمد شہباز شریف آکھیا جو حکومت آئی ٹی اتے مصنوعی ذہانت کوں فروغ ݙیوݨ کیتے ترجیحی بنیاداں تے کَم کریندی پئی اے، مصنوعی ذہانت کوں ملکی معیشت دی ترقی کیتے استعمال کرݨ چاہندوں، ڈیجیٹل معیشت دے نفاذ کوں مصنوعی ذہانت دے ذریعے ٻیا مؤثر بݨایا ویسی۔ چھݨ چھݨ کوں وزیر اعظم آفس دے میڈیا ونگ توں جاری بیان موجب وزیراعظم دی زیر صدارت مصنوعی …
حکومت آئی ٹی اتے مصنوعی ذہانت کوں فروغ ݙیوݨ کیتے ترجیحی بنیاداں تے کَم کریندی پئی اے، وزیر اعظم شہباز شریف دی مصنوعی ذہانت دے فروغ بارے اجلاس اچ ڳالھ مہاڑ
اسلام آباد۔11اکتوبر (اے پی پی) وزیراعظم محمد شہباز شریف آکھیا جو حکومت آئی ٹی اتے مصنوعی ذہانت کوں فروغ ݙیوݨ کیتے ترجیحی بنیاداں تے کَم کریندی پئی اے، مصنوعی ذہانت کوں ملکی معیشت دی ترقی کیتے استعمال کرݨ چاہندوں، ڈیجیٹل معیشت دے نفاذ کوں مصنوعی ذہانت دے ذریعے ٻیا مؤثر بݨایا ویسی۔ چھݨ چھݨ کوں وزیر اعظم آفس دے میڈیا ونگ توں جاری بیان موجب وزیراعظم دی زیر صدارت مصنوعی ذہانت (اے آئی) دے فروغ دے حوالے نال اہم اجلاس تھیا۔ اجلاس اچ ڳالھ مہاڑ کریندیں ہوئیں وزیراعظم آکھیا جو حکومت آئی ٹی اتے مصنوعی ذہانت کوں فروغ ݙیوݨ کیتے ترجیحی بنیاداں تے کَم کریندی پئی اے، مصنوعی ذہانت کوں ملکی معیشت دی ترقی کیتے استعمال کرݨ چاہندن، ڈیجیٹل معیشت دے نفاذ کوں مصنوعی ذہانت دے ذریعے ٻیا مؤثر بݨایا ویسی، مصنوعی ذہانت دے حوالے نال قومی پالیسی دا نفاذ مؤثر طور تے کیتا ویسی۔ وزیراعظم آکھیا جو مصنوعی ذہانت دے استعمال دے حوالے نال ڈیٹا پروٹیکشن اتے ڈیٹا ساورنٹی اتے مصنوعی ذہانت کوں مدنظر رکھیا ونڄے اتے مصنوعی ذہانت دے ذمہ وارانہ استعمال کوں یقینی بݨایا ونڄے۔ وزیراعظم مصنوعی ذہانت دے فروغ اتے نفاذ دے حوالے نال سٹیئرنگ کمیٹی تشکیل ݙیوݨ دی ہدایت کیتی۔ اجلاس کوں مصنوعی ذہانت دے حوالے نال حکومتی سطح تے اقدامات دا ݙسیا ڳیا۔ وزیراعظم کوں بریفنگ اچ ݙسایا ڳیا جو اے آئی دے نفاذ دے حوالے نال ماہرین تے مبنی اے آئی ایڈوائزری پینل تشکیل ݙتا ویندا پئے۔ اجلاس اچ وفاقی وزیر اقتصادی امور احد خان چیمہ، وفاقی وزیر انفارمیشن ٹیکنالوجی و ٹیلی کام شزا فاطمہ، وزیر مملکت برائے خزانہ و ریلوے بلال اظہر کیانی، وزیراعظم دے معاون خصوصی بلال بن ثاقب سودھے متعلقہ اعلیٰ سرکاری افسر اتے ماہرین شرکت کیتی۔
