اسلام آباد۔12اکتوبر (اے پی پی) نائب وزیر اعظم تے وزیر خارجہ سینیٹر محمد اسحاق ڈار آکھیا جو پاک افغان سرحد تے تھیوݨ آلی اڄوکی پیش رفت تشویشناک اے، افغان فورسز ولوں سرحدی علاقیاں اچ بِلا اشتعال فائرنگ اتے حملے سنگین اشتعال انگیزی ہن۔ اتوار کوں سوشل میڈیا پلیٹ فارم ’’ایکس ‘‘تے آپݨی پوسٹ اچ سینیٹر اسحاق ڈار آکھیا جو پاکستان دے مناسب جوابی حملے اتے کارروائیاں طالبان دے ڈھانچے کوں …
افغان فورسز دی سرحدی علاقیاں اچ بِلا اشتعال فائرنگ اتے حملے سنگین اشتعال انگیزی ہن، اسحاق ڈار
اسلام آباد۔12اکتوبر (اے پی پی) نائب وزیر اعظم تے وزیر خارجہ سینیٹر محمد اسحاق ڈار آکھیا جو پاک افغان سرحد تے تھیوݨ آلی اڄوکی پیش رفت تشویشناک اے، افغان فورسز ولوں سرحدی علاقیاں اچ بِلا اشتعال فائرنگ اتے حملے سنگین اشتعال انگیزی ہن۔ اتوار کوں سوشل میڈیا پلیٹ فارم ’’ایکس ‘‘تے آپݨی پوسٹ اچ سینیٹر اسحاق ڈار آکھیا جو پاکستان دے مناسب جوابی حملے اتے کارروائیاں طالبان دے ڈھانچے کوں نشانہ بݨاوݨ اتے افغان سرزمین توں کَم کرݨ آلے فتنہ الخوارج اتے فتنہ الہندُوستان ناں دے دہشت گرد عنصراں کوں نیوٹرلائز کرݨ کیتے ہن۔ انہاں واضح کیتا جو اساݙی دفاعی کارروائیاں امن پسند افغان شہری آبادی دے خلاف نئی ، طالبان فورسز دے خلاف اساں شہری جاناں دے نقصان توں بچݨ کیتے بہوں احتیاط کیتی اے۔ اسحاق ڈار توقع ظاہر کیتی جو طالبان حکومت دہشت گرد عنصراں اتے انہاں دے سہولت کاراں دے خلاف پکے اقدامات کریسی جو پاک افغان تعلقات کوں خراب کرݨ چاہندن۔ انہاں آکھیا جو پاکستان آپݨی خودمختاری، علاقائی اتے عوام دے تحفظ کیتے سارے ممکنہ اقدامات کریسی۔
