پاکستان، ترکیہ اتے آذربائیجان دا ترائے فریقاں دا تعاون منفرد اتے اسٹریٹجک شراکت داری دی مثال اے، ترائے فریقاں دے سپیکرز کانفرنس نال سپیکر قومی اسمبلی سردار ایاز صادق دا خطاب

اسلام آباد۔13اکتوبر (اے پی پی) پاکستان، ترکیہ اتے آذربائیجان آکھیا جو ترائے ملکاں وچال دوستی اتے بھائی چارے تے مبنی رشتے اتے پارلیمانی تعاون دے فروغ نال پائیدار امن دے قیام، علاقائی سلامتی اتے استحکام کیتے مشترکہ کوششاں خطے اچ ترقی تے خوشحالی دی نشانی ثابت ہوسن۔ ترائے ملکاں کوں دفاعی شعبے اچ وی تعاون کوں فروغ ݙیوݨا چاہیدے۔ ترائے ݙینھ دی ترائے فریقاں دے سپیکرز کانفرنس اچ بھارت دے غیر قانونی زیر تسلط جموں تے کشمیر اچ بھارتی ظلماں اتے پاکستان اچ دہشت گردی دے واقعیاں دے حوالے نال پاکستان دے موقف دی بھرپور تائید کیتی ڳئی۔ اے ڳالھیں سنوار کوں پارلیمنٹ ہاؤس اچ پاکستان، ترکیہ اتے آذربائیجان دے سپیکرز تے مشتمل ترائے ݙینھ دی ترائے فریقاں دے سپیکرز کانفرنس اچ کیتا ڳیا۔ ایں موقع تے چیئرمین سینٹ سید یوسف رضا گیلانی اتے ترائے ملکاں دی پارلیماناں دے ارکان وی موجود ہن۔ ترائے ݙینھ دی ترائے فریقاں دے سپیکرز کانفرنس دی صدارت بطور چیئرمین سپیکر قومی اسمبلی سردار ایاز صادق کیتی۔ آپݨے افتتاحی خطاب اچ سپیکر سردار ایاز صادق آذربائیجان اتے ترکیہ دے سپیکرز کوں خوش آمدید آکھیا۔ انہاں آکھیا جو آذربائیجان اتے ترکیہ دی ترائے ݙینھ دی ترائے فریقاں دے سپیکرز کانفرنس اچ شرکت پاکستان کیتے خوشی دا سبب اے۔ ترائے فریقاں دے سپیکرز کانفرنس دا موضوع بھائی چارے دے تعلقات دا استحکام، علاقائی امن تے خوشحالی کیتے پارلیمانی تعاون کوں مضبوط بݨاوݨ اے۔ پاکستان، ترکیہ اتے آذربائیجان دا ترائے فریقاں دا تعاون منفرد اتے اسٹریٹجک شراکت داری دی مثال اے۔ انہاں آکھیا جو اے شراکت حکومتاں دی نئی، عوام دی خواہش اتے پارلیمان دی آواز اے۔ عالمی سلامتی دا نظام شدید دباؤ دا شکار اے۔ اقوامِ عالم اچ اصولِ خودمختاری اتے علاقائی سلامتی دی خلاف ورزیاں جاری ہن۔ غزہ اچ ݙو سالہ ظلمِ و بربریت انسانیت دے ضمیر تے بدنما داغ رہین۔ کشمیری عوام ست ݙہاکیاں توں آپݨے حقِ خودارادیت توں محروم ہن۔ بھارت دے غیر قانونی زیر تسلط جموں تے کشمیر اچ انسانی حقاں دی سنگین خلاف ورزیاں جاری ہن۔ بھارت مئی اچ پاکستان دے خلاف کُھلی جارحیت کیتی۔ قوم اتے افواجِ پاکستان “آپریشن بنیان مرصوص” نال بھارتی جارحیت دا مُنہ تروڑ جواب ݙتا۔ بھارت دا کُوڑ اتے پروپیگنڈا عالمی سطح تے بے نقاب تھی ڳئے۔ پاکستان آپݨے دوست ملکاں خاص طور تے ترکیہ، آذربائیجان، چین اتے سعودی عرب دا شکریہ ادا کریندے۔ بھارت دی آبی معاہدے کوں روکݨ دی دھمکیاں ایںدے خطرناک ارادیاں دی نشانی ہن۔ پاکستان ہمیشہ امن و احترامِ خودمختاری دی پالیسی اپنائی اے۔ دہشت گرداں دا کوئی مذہب نئی، دہشت گردی کوں رَل تے ختم کرݨا پوسی۔ افغان سرزمین توں دہشت گرد حملیاں دے باوجود پاکستان تحمل دا مظاہرہ کیتا۔ پاک فوج ہوشمند، دُرست اتے مؤثر کارروائی نال دہشت گرداں دے ٹکاݨے تباہ کیتے، سپیکر سردار ایاز صادق آکھیا جو شہیداں دا خون ضائع نہ ہوسی۔ پاکستان ماحولیاتی تبدیلی نال سَب توں ودھ متاثر تھیوݨ آلے ملکاں اچ شامل اے۔ سیلاب جیڑھے حادثے عالمی ماحولیاتی ناانصافی دا ثبوت ہن۔ موسمیاتی انصاف اتے عالمی تعاون ویلھے دی اہم لوڑھ اے۔ پارلیمان عوامی نمائندگی دا ہکّلا ادارہ اے جو امن تے ترقی دی ول راہنمائی کریندے۔ پاکستان، ترکیہ اتے آذربائیجان دے پارلیمان آپسی تعلقات دے استحکام دے خواہاں ہن۔ ترائے فریقاں دا پارلیمانی تعاون علاقائی امن، ترقی اتے خوشحالی دا ضامن ہوسی۔ موسمیاتی تبدیلی اتے علاقائی سلامتی تے پارلیمانی گول میز کانفرنسز ویلھے دی اہم لوڑھ اے۔ اساݙی مشترکہ کوششاں علاقائی استحکام اتے عوامی خوشحالی دی نشانی ہوسن۔ سپیکر قومی اسمبلی ایاز صادق ترکیہ اتے آذربائیجان دے سپیکرز دا ترائے فریقاں دے سپیکرز کانفرنس اچ شرکت تے شکریہ ادا کریندیں ہوئیں آکھیا جو ترائے ملکاں دی دوستی اعتماد، پیار اتے اخوت تے مبنی اے۔ آذر بائیجان دی سپیکر صاحبہ غفاروو اسپیکر قومی اسمبلی سردار ایاز صادق دا شکریہ ادا کریندیں ہوئیں آکھیا جو ترائے ملکاں کوں خطے اچ پائیدار امن، ترقی سلامتی اتے خوشحالی کیتے مشترکہ کوششاں کوں فروغ ݙیوݨا پوسی اتے پارلیمانی سطح تے تعاون کوں فروغ ݙیوݨا پوسی۔ انہاں نگور نو کاراباخ دے معاملے تے پاکستان ولوں آذربائیجان دی مکمل حمایت تے شکریہ ادا کیتا اتے ݙوہیں ملکاں وچال دوستی اتے بھائی چارے دے رشتے کوں ٻیا مضبوط بݨاوݨ دی لوڑھ تے زور ݙتا۔ انہاں آکھیا جو ترائے ملکاں دے پارلیمانی فرینڈ شپ گروپس اتے سٹینڈنگ کمیٹیاں دی سطح تے رابطیاں کوں فروغ ݙیوݨا پوسی تاںجو خطے اچ ترقی خوشحالی اتے سلامتی دے حوالے نال مشترکہ کوششاں کوں فروغ ݙتا ونڄ سڳے۔ ترکیہ دے سپیکر نعمان کارتو لموش آپݨے خطاب اچ آکھیا جو فلسطین اتے غزہ اچ ڈھائے ویندے ظلماں تے اسرائیلی وزیر اعظم بنجمن نیتن یاہو اتے انہاں دے ساتھیاں کوں عالمی عدالت انصاف دا سامݨا کرݨا پوسی۔ انہاں کشمیر اچ بھارتی ظلماں دی مذمت کیتی اتے پاکستان دے موقف دی بھرپور تائید کیتی۔ انہاں پاکستان اچ دہشت گردی دے واقعیاں دی وی مذمت کیتی۔ انہاں آکھیا جو ترائے ملکاں کوں خطے دے مسئلیاں نال نبڑݨ کیتے رَل مِل تے کوششاں کرݨی پوسن تاںجو ترائے ملکاں امن سلامتی اتے تجارت کیتے آپس اچ ہک ݙوجھے دے نال تعاون کوں فروغ ݙے سڳن۔