اسلام آباد۔14اکتوبر (اے پی پی) وزیراعظم محمد شہباز شریف سوات دے علاقے مٹہ اچ انسداد پولیو ٹیم تے دہشتگرد حملے دی سخت مذمت کریندیں ہوئیں انسداد پولیو مہم پولیو دے مکمل خاتمے تئیں جاری رکھݨ دے عزم دا اظہار کیتے۔ منگل کوں وزیراعظم آفس دے میڈیا ونگ ولوں جاری بیان موجب وزیراعظم انسداد پولیو ٹیم دی حفاظت تے مامور لیویز اہلکار عبد الکبیر دی شہادت تے افسوس دا اظہار کریندیں …
وزیراعظم شہباز شریف دی سوات دے علاقے مٹہ اچ انسداد پولیو ٹیم تے دہشتگرد حملے دی مذمت
اسلام آباد۔14اکتوبر (اے پی پی) وزیراعظم محمد شہباز شریف سوات دے علاقے مٹہ اچ انسداد پولیو ٹیم تے دہشتگرد حملے دی سخت مذمت کریندیں ہوئیں انسداد پولیو مہم پولیو دے مکمل خاتمے تئیں جاری رکھݨ دے عزم دا اظہار کیتے۔ منگل کوں وزیراعظم آفس دے میڈیا ونگ ولوں جاری بیان موجب وزیراعظم انسداد پولیو ٹیم دی حفاظت تے مامور لیویز اہلکار عبد الکبیر دی شہادت تے افسوس دا اظہار کریندیں ہوئیں شہید کیتے مغفرت اتے لواحقین کیتے صبر تے استقامت دی دعا کیتی۔ انہاں آکھیا جو پولیو دے خاتمے دی اہم عوامی خدمت کرݨ آلے لوکاں تے دہشتگرد حملہ ناقابلِ برداشت اے، حکومت ملک توں پولیو دے مکمل خاتمے کیتے پُرعزم اے، دہشت گرداں ولوں ایں طرح دی مزاحمت دے باوجود انسداد پولیو مہم پوری تحریک نال جاری اے اتے پولیو دے مکمل خاتمے تئیں جاری رہسی۔
