اسلام آباد۔14اکتوبر(اے پی پی)وزیراعظم محمد شہباز شریف جناح میڈیکل کمپلیکس دی تعمیر دے سارے مرحلیں اچ شفافیت اتے مقررہ ویلھے اچ عملدرآمد یقینی بݨاوݨ دی ہدایت کریندے آکھیے جو جناح میڈیکل کمپلیکس جدید اتے ساریاں سہولتاں نال بھریا ہسپتال ہوسی جِتھاں عوام کوں بین الاقوامی معیار دی علاج معالجے دیاں سہولتاں ملسن۔ اے ڳالھ انہاں جناح میڈیکل کمپلیکس اینڈ ریسرچ سینٹر دے حوالے نال جائزہ اجلاس دی صدارت کریندے آکھی …
وزیراعظم محمد شہباز شریف دی جناح میڈیکل کمپلیکس دی تعمیر دے سارے مرحلیں اچ شفافیت اتے مقررہ ویلھے اچ عملدرآمد یقینی بݨاوݨ دی ہدایت
اسلام آباد۔14اکتوبر(اے پی پی)وزیراعظم محمد شہباز شریف جناح میڈیکل کمپلیکس دی تعمیر دے سارے مرحلیں اچ شفافیت اتے مقررہ ویلھے اچ عملدرآمد یقینی بݨاوݨ دی ہدایت کریندے آکھیے جو جناح میڈیکل کمپلیکس جدید اتے ساریاں سہولتاں نال بھریا ہسپتال ہوسی جِتھاں عوام کوں بین الاقوامی معیار دی علاج معالجے دیاں سہولتاں ملسن۔ اے ڳالھ انہاں جناح میڈیکل کمپلیکس اینڈ ریسرچ سینٹر دے حوالے نال جائزہ اجلاس دی صدارت کریندے آکھی ۔ وزیراعظم دفتر دے میڈیا ونگ توں جاری بیان موجب اجلاس کوں جناح میڈیکل کمپلیکس و ریسرچ سینٹر دی تعمیر اچ پیشرفت دے حوالے نال بریفنگ ݙتی ڳئی۔ وزیراعظم کوں ݙسیا ڳیا جو جناح میڈیکل کمپلیکس دے ڈیزائن کنسلٹنٹ دا انتخاب کر ڳھدا ڳئے اتے کنٹریکٹ دے حوالے نال پاکستان انجینئرنگ کونسل دے نال رجسٹریشن دا عمل جاری اے، منصوبے دی تھرڈ پارٹی ویلیڈیشن کیتے ماہرین دے انتخاب دے حوالے نال اشتہار وقتی جاری کیتا ویسی۔ بریفنگ اچ ݙسیا ڳیا جو جناح میڈیکل کمپلیکس دے چیف ایگزیکٹو افسر دی تعیناتی کیتے وفاقی کابینہ منظوری ݙے ݙتی اے۔ منصوبے دی جیو ٹیک سٹڈی مکمل کرڳھدی ڳئی اے جݙاں جو ہائیڈرولوجی اتے سیسمک سٹڈیز نومبر اچ مکمل کر ڳھدیاں ویسن۔ اجلاس اچ وفاقی وزیر منصوبہ بندی احسن اقبال، وفاقی وزیر اقتصادی امور احد خان چیمہ، وفاقی وزیر قانون و انصاف اعظم نذیر تارڑ، وفاقی وزیر اطلاعات و نشریات عطاء اللہ تارڑ، وزیر مملکت قومی صحت مختار احمد بھرتھ اتے متعلقہ اعلیٰ سرکاری افسراں شرکت کیتی۔
