پاک فوج چمن دے علاقے سپن بولدک اچ افغان طالبان اتے فتنہ الخوارج دے حملیاں کوں ناکام بݨا ݙتا، 15 توں 20 ہلاک

راولپنڈی۔15اکتوبر (اے پی پی) پاک فوج چمن دے علاقے سپن بولدک اچ افغان طالبان اتے فتنہ الخوارج دے حملیاں کوں ناکام بݨا ݙتا، 15 توں 20 افغان طالبان کوں ہلاک کر ݙتا ڳئے، افغان طالبان اتے فتنہ الخوارج دے دہشت گرداں پاک افغان دوستی گیٹ کوں آپݨی ولوں اُݙا ݙتا۔ بُدھ کوں سکیورٹی ذرائع دے مطابق افغان طالبان اتے فتنہ الخوارج ولوں 3 جہیں تے علی الصبح حملہ کیتا ڳیا، پاک فوج دی موثر جوابی کارروائی انہاں افغان طالبان کوں پِچھوں ہٹݨ تے مجبور کر ݙتا۔ افغان طالبان اتے فتنہ الخوارج دے دہشتگرد دیہاتاں اتے معصوم لوکاں کوں ڈھال دے طور تے استعمال کریندے پئن۔ ملی ہوئیں اطلاعواں دے مطابق 15 توں 20 افغان طالبان کوں ہلاک کر ݙتا ڳئے، افغان طالبان اتے فتنہ الخوارج دے دہشت گرداں پاک افغان دوستی گیٹ کوں آپݨی ولوں اُݙا ݙتا، گیٹ کوں تباہ کرݨ ثابت کریندے جو افغان طالبان تجارت اتے مقامی آمد و رفت جاری رہݨ دے حامی نئی۔ سکیورٹی ذرائع دے مطابق پاک فوج فتنہ الخوارج اتے افغان طالبان دے گزریل رات کرم سیکٹر تے حملے دی کوشش کوں وی ناکام بݨایا ہا، کرم سیکٹر تے جوابی حملے دے دوران افغان طالبان دی 8 پوسٹاں اتے 6 ٹینک عملے سودھے تباہ کیتے ڳئن۔ پاک فوج کرم سیکٹر اچ کئی دہشت گرداں کوں وی ہلاک کیتا اتے امریکی ساختہ اسلحہ وی قبضے اچ ڳھدا۔ پاک فوج ولوں مُنہ ٻھن جواب دے بعد کرم سیکٹر اچ ایں ویلھے چپ اے، سپن بولدک اچ ٻئے افغان طالبان اتے فتنہ الخوارج دے رَلݨ دی اطلاعواں ملدی پئن۔