وفاقی وزیرریلوے دا آغا سراج درانی دے انتقال تے ݙکھ تے افسوس

اسلام آباد۔15اکتوبر(اے پی پی) وفاقی وزیر ریلوے محمد حنیف عباسی سابق سپیکر سندھ اسمبلی آغا سراج درانی دے انتقال تے ݙکھ تے افسوس کیتے ۔ آپݨے بیان اچ انہاں آغا سراج درانی دی مغفرت اتے اُچے درجات کیتے دعا کریندے آکھیا جو اللہ تعالیٰ مرحوم کوں جنت الفردوس اچ اعلیٰ مقام عطا فرماوے۔ انہاں آکھیا جو مرحوم آغا سراج درانی اساݙے پیارے بھرا ہن انہاں دے ونڄݨ نال دل ݙکھی اے ، ݙکھے ویلھے انہاں دے گھرآلیں کوں پرچاوݨی ݙیندوں ۔ انہاں دا آکھݨ ہئی جو آغا سراج درانی باوقار، شفیق اتے مخلص رہنما ہن، انہاں دے انتقال نال سیاست اتے پارلیمانی روایتاں دا ہک سُنہرا باب بند تھی ڳئے اتے قوم ہک مخلص رہنما توں محروم تھی ڳئی۔ انہاں آکھیا جو آغا سراج درانی دیاں یاداں اتے خدمات ہمیشہ دل اچ زندہ رہسن۔