راولپنڈی۔15اکتوبر(اے پی پی) پاک فوج نوشکی سیکٹر اچ افغانستان کوں بھرپور جواب ݙیندے غزنالی پوسٹ تے پاکستانی جھنڈا لہرݙتا۔ سکیورٹی ذرائع موجب پاک فوج دی طرفوں افغان طالبان فورسز دی جارحیت دے جواب اچ بھرپور کارروائی کیتی ڳئی۔ افغانستان دی حدود اچ ترائے کلومیٹر اندر واقع غزنالی پوسٹ تباہ کیتی ڳئی، افغان طالبان فوجی جوابی حملے اچ غزنالی پوسٹ اتے اسلحہ چھوڑ تے بھڄ ڳئے۔ پاک فوج دیاں موثر کارروائیاں …
پاک فوج دا نوشکی سیکٹر اچ افغانستان کوں بھرپور جواب، غزنالی پوسٹ تے پاکستانی جھنڈا لہرا ݙتا
راولپنڈی۔15اکتوبر(اے پی پی) پاک فوج نوشکی سیکٹر اچ افغانستان کوں بھرپور جواب ݙیندے غزنالی پوسٹ تے پاکستانی جھنڈا لہرݙتا۔ سکیورٹی ذرائع موجب پاک فوج دی طرفوں افغان طالبان فورسز دی جارحیت دے جواب اچ بھرپور کارروائی کیتی ڳئی۔ افغانستان دی حدود اچ ترائے کلومیٹر اندر واقع غزنالی پوسٹ تباہ کیتی ڳئی، افغان طالبان فوجی جوابی حملے اچ غزنالی پوسٹ اتے اسلحہ چھوڑ تے بھڄ ڳئے۔ پاک فوج دیاں موثر کارروائیاں نال ہݨ تئیں سرحد پار طالبان دے کئی ٹھکاݨے تباہ تھی چُکن۔ پاک فوج 21 افغان طالبان پوسٹاں عارضی طور تے قبضے اچ ڳھدیاں جݙاں جو دہشت گرداں دے کئی تربیتی کیمپ ناکارہ بݨائے۔ انٹیلی جنس اطلاع موجب 200 توں ودھ طالبان اتے انہاں دے معاون دہشتگرد ہلاک اتے کئی زخمی تھئن۔ پاک فوج کہیں وی ٻاہرلی جارحیت دا مُنہ بھن جواب ݙیوݨ کیتے مکمل طور تے تیار اے۔
