اسلام آباد۔15اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت کابینہ کمیٹی بین الحکومتی تجارتی لین دین دا اجلاس منعقد تھیا۔ نائب وزیراعظم دفتر توں جاری بیان موجب کمیٹی فرسٹ ویمن بینک لمیٹڈ (ایف ڈبلیو بی ایل) دی نجکاری کیتے ݙتی ڳئی ٻولی دی منظوری ݙتی جیڑھی جو ریفرنس قیمت توں ودھ ہئی، اے ہک اہم سنگِ میل اے جو نجکاری دے کامیاب عمل اتے …
اسحاق ڈار دی زیرِ صدارت کابینہ کمیٹی بین الحکومتی تجارتی لین دین دا اجلاس
اسلام آباد۔15اکتوبر(اے پی پی)نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت کابینہ کمیٹی بین الحکومتی تجارتی لین دین دا اجلاس منعقد تھیا۔ نائب وزیراعظم دفتر توں جاری بیان موجب کمیٹی فرسٹ ویمن بینک لمیٹڈ (ایف ڈبلیو بی ایل) دی نجکاری کیتے ݙتی ڳئی ٻولی دی منظوری ݙتی جیڑھی جو ریفرنس قیمت توں ودھ ہئی، اے ہک اہم سنگِ میل اے جو نجکاری دے کامیاب عمل اتے متحدہ عرب امارات دی نامزد سرکاری کمپنی انٹرنیشنل ہولڈنگ کمپنی (آئی ایچ سی) دے نال حکومت توں حکومت (جی 2 جی) سطح تے معاہدے دا رستہ ہموار کریندے۔ اے پیشرفت پاکستان اچ غیر ملکی سرمایہ کاری (ایف ڈی آئی) دے ودھارے اتے سرمایہ کاراں دے اعتماد اچ ودھارے دا باعث بݨسی۔ ایں موقع تے نائب وزیراعظم و وزیرِخارجہ نجکاری کمیشن اتے ایں اہم عمل نال جُڑئے ہوئے سارے متعلقہ اداریں اتے لوکاں دیاں کوششاں دی تعریف کیتی ۔ انہاں ہݨ تئیں تھیوݨ آلی پیشرفت تے اطمینان دا اظہار کریندے ایں ڳالھ دا اعادہ کیتا جو حکومتِ پاکستان معاشی اصلاحات اتے نجکاری دے عمل اچ شفافیت دے آپݨے عزم تے پوری طرح کاربند اے۔ اجلاس اچ وفاقی وزیرِپٹرولیم، وزیرِنجکاری، وزیرِ مملکت ریلوے، سیکرٹری کابینہ ڈویژن، سیکرٹری نجکاری، نجکاری کمیشن دے سینئر حکام اتے ݙوجھے متعلقہ وزارتاں و محکمیں دے نمائندیں شرکت کیتی۔
