پاکستان اتے قزاخستان دی افواج وچال انسداد دہشت گردی دے سلسلے اچ پاکستان-قزاخستان مشترکہ مشق دوستریم-V جاری

راولپنڈی۔16اکتوبر (اے پی پی) پاکستان اتے قزاخستان دی افواج وچال انسداد دہشت گردی دے سلسلے اچ پاکستان-قزاخستان مشترکہ مشق دوستریم-V جاری اے جئیں دا انعقاد 13 توں 24 اکتوبر 2025 تئیں سپیشل آپریشنز سکول چیراٹ اچ کیتا ویندا پئے۔ خمیس کوں پاک فوج دے شعبہ تعلقات عامہ (آئی ایس پی آر) توں جاری بیان موجب پاک فوج دا سپیشل سروسز گروپ اتے قزاخستان آرمی دے سپیشل فورسز مشق اچ حصہ ڳھندے پئن۔ مشق دی افتتاحی تقریب 14 اکتوبر 2025 کوں چیراٹ اچ تھئی۔ مشق دا مقصد مشترکہ تربیت دے ذریعے پیشہ ورانہ مہارتاں کوں نکھارݨ اتے دوست ملکاں وچال تاریخی عسکری تعلقات کوں فروغ ݙیوݨ اے۔ مشق اچ شریک دستے آپس دی مہارت اتے تجربے توں فائدہ چیندے پئن۔