اسلام آباد۔16اکتوبر (اے پی پی) وفاقی وزیر داخلہ محسن نقوی نال امریکا دی قائم مقام سفیر نیٹلی بیکر ملاقات کیتی جئیں اچ پاک-امریکا تعلقات، علاقائی امن اتے سرمایہ کاری دے فروغ تے ڳالھ مہاڑ کیتی ڳئی۔ ترجمان وزارت داخلہ دے مطابق وزیر داخلہ غزہ امن معاہدے تے امریکی صدر ڈونلڈ ٹرمپ دی مخلصانہ کوششاں دی تعریف کریندیں ہوئیں آکھیا جو مشرقِ وسطیٰ اچ پائیدار امن دا کریڈٹ صدر ٹرمپ کوں …
وفاقی وزیر داخلہ محسن نقوی نال قائم مقام امریکی سفیر نیٹلی بیکر دی ملاقات، علاقائی امن اتے ݙو پاسہ تعاون تے ڳالھ مہاڑ
اسلام آباد۔16اکتوبر (اے پی پی) وفاقی وزیر داخلہ محسن نقوی نال امریکا دی قائم مقام سفیر نیٹلی بیکر ملاقات کیتی جئیں اچ پاک-امریکا تعلقات، علاقائی امن اتے سرمایہ کاری دے فروغ تے ڳالھ مہاڑ کیتی ڳئی۔ ترجمان وزارت داخلہ دے مطابق وزیر داخلہ غزہ امن معاہدے تے امریکی صدر ڈونلڈ ٹرمپ دی مخلصانہ کوششاں دی تعریف کریندیں ہوئیں آکھیا جو مشرقِ وسطیٰ اچ پائیدار امن دا کریڈٹ صدر ٹرمپ کوں ویندے۔ انہاں آکھیا جو پاکستان دنیا کوں دہشت گردی توں محفوظ رکھݨ کیتے وݙی قیمت ادا کیتی اے اتے فرنٹ لائن ریاست دے طور تے بے پناہ قربانیاں ݙتن۔ قائم مقام امریکی سفیر نیٹلی بیکر دہشت گردی دے اڄوکے واقعیاں اچ جانی نقصان تے افسوس دا اظہار کریندیں ہوئیں آکھیا جو امریکا پاکستان دی قربانیاں دی قدر کریندے اتے ہر ممکن تعاون جاری رکھیسی۔ ملاقات اچ وزیر مملکت داخلہ طلال چوہدری، سیکرٹری داخلہ خرم آغا، چیف کمشنر اسلام آباد، آئی جی پولیس اتے ڈپٹی کمشنر اسلام آباد وی موجود ہن۔
