راولپنڈی ۔17اکتوبر (اے پی پی) میر علی اچ خوارج دا خودکش حملہ ناکام بݨیندیں ہوئیں چار خوارجی دوزخ واصل کر ݙتے ڳئے۔ تفصیلات دے مطابق شمالی وزیرستان دے علاقے میر علی اچ خوارج سکیورٹی فورسز تے خودکش حملے دی کوشش کیتی، ہک خوارجی بارود نال بھری ہوئی گاݙی سکیورٹی فورسز دے کیمپ دی کندھ نال ٹکرائی جو دھماکے نال پَھٹ ڳئی، ایں دے بعد ترائے مزید خوارجیاں کیمپ دے اندر …
شمالی وزیرستان دے علاقے میر علی اچ خوارج دا خودکش حملہ ناکام، چار خوارجی دوزخ واصل
مزید خبراں
راولپنڈی ۔17اکتوبر (اے پی پی) میر علی اچ خوارج دا خودکش حملہ ناکام بݨیندیں ہوئیں چار خوارجی دوزخ واصل کر ݙتے ڳئے۔ تفصیلات دے مطابق شمالی وزیرستان دے علاقے میر علی اچ خوارج سکیورٹی فورسز تے خودکش حملے دی کوشش کیتی، ہک خوارجی بارود نال بھری ہوئی گاݙی سکیورٹی فورسز دے کیمپ دی کندھ نال ٹکرائی جو دھماکے نال پَھٹ ڳئی، ایں دے بعد ترائے مزید خوارجیاں کیمپ دے اندر وڑݨ دی کوشش کیتی۔ ذرائع دے مطابق ویلھے سِر اتے بہادرانہ کارروائی دے نتیجے اچ تِنوں خوارجی کیمپ دے باہر ہی دوزخ واصل کر ݙتے ڳئے۔ الحمدللہ! سکیورٹی فورسز دا کہیں وی قسم دا کوئی نقصان نئی تھیا۔ صرف گزریل ݙو ݙین٘ہہ اچ افغان طالبان دے حمایت یافتہ 88 خوارج کوں دوزخ واصل کیتا ڳئے۔ ان شاء اللہ نیشنل ایکشن پلان دے تحت آخری خوارجی دے خاتمے تئیں افواجِ پاکستان اتے قانون نافذ کرݨ آلے ادارے ملک دے دفاع کیتے ایں طرح ڈٹے رہسن۔
