چیئرمین سینیٹ سید یوسف رضا گیلانی دا میرعلی اچ خوارجیاں دا حملہ ناکام بݨاوݨ تے سکیورٹی فورسز کوں خراجِ تحسین

اسلام آباد۔17اکتوبر (اے پی پی) چیئرمین سینیٹ سید یوسف رضا گیلانی میرعلی اچ خوارجیاں دا حملہ ناکام بݨاوݨ تے سکیورٹی فورسز کوں خراجِ تحسین پیش کریندیں ہوئیں آکھیا جو پوری قوم کوں سکیورٹی فورسز دے بہادر جواناں دی جرأت اتے پیشہ ورانہ صلاحیتاں تے فخر اے۔ جمعہ کوں سینیٹ سیکرٹریٹ توں جاری بیان موجب انہاں آکھیا جو سکیورٹی فورسز ملک دشمن عناصر دے ناپاک ارادے مٹی اچ رلا ݙتے، دہشت گردی دے خاتمے کیتے فورسز دی مسلسل کوششاں اتے پکا ارادہ تعریف دے قابل اے۔ انہاں آکھیا جو سکیورٹی اداریاں دی مستعدی قوم دے اطمینان اتے فخر دا سبب اے، پوری قوم آپݨے سکیورٹی اداریاں دے نال مونڈھے نال مونڈھا رلا تے کھڑی اے، سکیورٹی فورسز دی بہادری اتے حب الوطنی قوم دے اتحاد دی علامت اے۔ چیئرمین سینیٹ آکھیا جو پکے ارادے اتے یکجہتی نال دہشت گردی دا مکمل خاتمہ ممکن اے، افواج پاکستان اتے سکیورٹی ادارے دشمن دے ارادے کݙاہیں کامیاب نہ تھیوݨ ݙیسن۔