اسلام آباد۔18اکتوبر (اے پی پی) صدر مملکت آصف علی زرداری سانحہ کارساز دے شہیداں دی 18ویں برسی تے شہید بے نظیر بھٹو اتے شہیدانِ جمہوریت کوں خراج عقیدت پیش کیتا۔ ہفتہ کوں ایوان صدر دے پریس ونگ توں جاری بیان دے مطابق صدر مملکت آکھیا جو شہید بینظیر بھٹو آپݨی جان کوں لاحق خطرات دے باوجود ایں ݙین٘ہہ وطن واپس آئی ہن، صدر مملکت آکھیا جو او کارساز اچ دہشت …
صدر آصف علی زرداری دا سانحہ کارساز دی برسی تے شہید بے نظیر بھٹو اتے شہیدانِ جمہوریت کوں خراج عقیدت
اسلام آباد۔18اکتوبر (اے پی پی) صدر مملکت آصف علی زرداری سانحہ کارساز دے شہیداں دی 18ویں برسی تے شہید بے نظیر بھٹو اتے شہیدانِ جمہوریت کوں خراج عقیدت پیش کیتا۔ ہفتہ کوں ایوان صدر دے پریس ونگ توں جاری بیان دے مطابق صدر مملکت آکھیا جو شہید بینظیر بھٹو آپݨی جان کوں لاحق خطرات دے باوجود ایں ݙین٘ہہ وطن واپس آئی ہن، صدر مملکت آکھیا جو او کارساز اچ دہشت گردانہ حملے دے بعد وی آپݨے مشن تے قائم رہی اتے انہاں جمہوریت دی بحالی کیتے آپݨی جدوجہد جاری رکھی، صدر مملکت ایں دے بعد تھیوݨ آلے واقعات کوں یاد کریندیں ہوئیں آکھیا جو او زخمیاں نال ملݨ اتے سوگوار خانداناں کوں دلاسا ݙیوݨ کیتے ہسپتالاں اچ زخمیاں دی عیادت کیتی اتے لواحقین نال اظہارِ ہمدردی کیتا، صدر آصف علی زرداری آکھیا جو ایں ݙین٘ہہ توں گھن تے انہاں دی شہادت تئیں انہاں دی زندگی اتے قربانی جمہوریت اتے امن کیتے کھڑے تھیوݨ آلیاں کیتے رہنمائی اتے طاقت دا سبب رہی اے، انہاں آکھیا جو قوم دہشت گردی اتے انتہا پسندی دا مسلسل مقابلہ کریندی پئی اے، سانحہ کارساز دے شہیداں دی ہمت اتے قربانیاں ایہو جہیاں ساریاں قوتاں کوں شکست ݙیوݨ دے اساݙے عزم کوں تقویت ݙیندن۔
