امید اے سینیٹر سیف اللہ ابڑو کوں استعفیٰ واپس گھنݨ تے راضی کر گھنساں، چیئرمین سینیٹ سید یوسف رضا گیلانی

اسلام آباد۔13نومبر (اے پی پی) چیئرمین سینیٹ سید یوسف رضا گیلانی امید ظاہر کیتی اے جو او سینیٹر سیف اللہ ابڑو کوں استعفیٰ واپس گھنݨ تے راضی کر گھنسن۔ پارلیمنٹ ہاؤس وچ میڈیا نال ڳالھ مہاڑ کریندیں یوسف رضا گیلانی آکھیا جو 27ویں آئینی ترمیم پہلے ہی سینیٹ توں منظور تھی چکی اے، اپوزیشن ترمیم وچ جیڑھی بہتری چاہندی ہئی او کر ݙتی ڳئی اے۔ چیئرمین سینیٹ آکھیا جو سیف اللہ ابڑو دا لکھت استعفیٰ نی آیا، جݙاں انھاں دا استعفیٰ آسی تاں تھی سگدے انھاں کوں سݙا گھناں اتے انھاں کوں استعفیٰ نہ ݙیوݨ کیتے منا گھناں۔ واضح رہے جو تحریک انصاف نال تعلق رکھݨ آلے سیف اللہ ابڑو سینیٹ وچ 27ویں آئینی ترمیم دی حمایت وچ ووٹ ݙتا ہئی اتے ایں دے بعد اجلاس نال خطاب کریندیں استعفیٰ ݙیوݨ دا اعلان کیتا ہئی۔