راولپنڈی۔13نومبر(اے پی پی) پاک بحریہ دے سربراہ ایڈمرل نوید اشرف بنگلہ دیش دے دورے اچ بنگلہ دیش دے عسکری حکام نال ملاقاتاں کیتن اتے آپسی پیشہ ورانہ دلچسپی دے معاملیاں، علاقائی میری ٹائم سکیورٹی اتے ݙوہاں ملکاں وچال دفاعی تعاون ودھاوݨ دے طریقیاں تے گالھ مہاڑ کیتی اے۔ خمیس کوں پاک فوج دے شعبہ تعلقات عامہ (آئی ایس پی آر) توں جاری بیان دے مطابق پاک بحریہ دے سربراہ ایڈمرل …
سربراہ پاک بحریہ ایڈمرل نوید اشرف دیاں بنگلہ دیش دے عسکری حکام نال ملاقاتاں
مزید خبراں
راولپنڈی۔13نومبر(اے پی پی) پاک بحریہ دے سربراہ ایڈمرل نوید اشرف بنگلہ دیش دے دورے اچ بنگلہ دیش دے عسکری حکام نال ملاقاتاں کیتن اتے آپسی پیشہ ورانہ دلچسپی دے معاملیاں، علاقائی میری ٹائم سکیورٹی اتے ݙوہاں ملکاں وچال دفاعی تعاون ودھاوݨ دے طریقیاں تے گالھ مہاڑ کیتی اے۔ خمیس کوں پاک فوج دے شعبہ تعلقات عامہ (آئی ایس پی آر) توں جاری بیان دے مطابق پاک بحریہ دے سربراہ ایڈمرل نوید اشرف بنگلہ دیش دے اپݨے سرکاری دورے دا انت چٹوگرام اچ پی این ایس سیف دی بندرگاہ دے دورے نال کیتا۔ نیول چیف بنگلہ دیشی چیف آف آرمی سٹاف جنرل وقار الزمان، چیف آف نیول سٹاف ایڈمرل ایم نظم الحسن، چیف آف ایئر سٹاف ایئر چیف مارشل حسن محمود خان اتے پرنسپل سٹاف آفیسر آرمڈ فورسز ڈویژن لیفٹیننٹ جنرل ایس ایم قمر الحسن نال ملاقاتاں کیتن۔ انہاں ملاقاتاں اچ آپسی پیشہ ورانہ دلچسپی دے معاملیاں، علاقائی میری ٹائم سکیورٹی اتے پاکستان اتے بنگلہ دیش وچال دفاعی تعاون ودھاوݨ دے طریقیاں تے ڳالھ مہاڑ تھئی۔ فریقین خطے اچ امن اتے استحکام کیتے اپݨے سانجھے عزم دا پکا ارادہ کیتا۔ ایڈمرل نوید اشرف نیشنل ڈیفنس کالج (این ڈی سی) بنگلہ دیش دا وی دورہ کیتا جتھاں انہاں صدر این ڈی سی اتے فیکلٹی ممبران نال ڳالھ مہاڑ کیتی اتے ادارے دے مینڈیٹ اتے پروگرامز بارے تفصیلی بریفنگ گھدی۔ چٹوگرام اچ نیول چیف نال کمانڈر چٹوگرام (COMCHIT)، کمانڈر بنگلہ دیش نیوی فلیٹ اتے ایریا سپرنٹنڈنٹ ڈاکیارڈ ملاقات کیتی۔ انہاں بنگلہ دیش نیول اکیڈمی دا وی دورہ کیتا، کمانڈنٹ اتے فیکلٹی نال ملاقات کیتی اتے اکیڈمی دے پیشہ ورانہ معیار دی تعریف کیتی۔ انہاں ابھردے ہوئے سمندری ماحول اچ تعلیمی فضیلت، آپسی تعاون دی تربیت اتے جدید بحری تعلیم دی لوڑھ تے زور ݙتا۔ چٹوگرام اچ ایڈمرل نوید اشرف پی این ایس سیف تے ہک استقبالیہ وی ݙتا جیںدے اچ سی این ایس بنگلہ دیش نیوی، پاکستان دے ہائی کمشنر، سفارتکاراں، وݙے فوجی حکام، سکالرز، صحافیاں اتے کاروباری رہنماواں شرکت کیتی۔ ایں تقریب خلیج بنگال اتے بحر ہند دے خطے اچ پرامن تعاون دے عزم کوں اڳونہا کیتا۔ اے دورہ ݙو طرفہ بحری تعلقات کوں مضبوط بݨاوݨ، آپسی احترام کوں ودھاوݨ اتے پاکستان اتے بنگلہ دیش وچال میری ٹائم سکیورٹی تعاون کوں اڳو ودھاوݨ دے پاسے ہک اہم قدم اے۔
