اسلام آباد۔14نومبر(اے پی پی) معروف ادیب و دانشور حفیظ خان کوں آئینی عدالت دا پہلا رجسٹرار مقرر کر ݙتا ڳئے اتے انہاں دی تقرری دا نوٹیفکیشن وی جاری کر ݙتا ڳئے۔ انہاں دا تعلق سرائیکی وسیب دے علاقے احمدپور شرقیہ ضلع بہاول پور نال اے اتے او ریٹائرڈ ڈسٹرکٹ اینڈ سیشن جج وی ہین۔ انہاں بطور لیکچرار، ایڈیشنل سیکرٹری محکمہ قانون و پارلیمانی امور وی خدمات انجام ݙتن۔ او اکادمی …
معروف ادیب و دانشور حفیظ خان آئینی عدالت دے پہلے رجسٹرار مقرر
مزید خبراں
اسلام آباد۔14نومبر(اے پی پی) معروف ادیب و دانشور حفیظ خان کوں آئینی عدالت دا پہلا رجسٹرار مقرر کر ݙتا ڳئے اتے انہاں دی تقرری دا نوٹیفکیشن وی جاری کر ݙتا ڳئے۔ انہاں دا تعلق سرائیکی وسیب دے علاقے احمدپور شرقیہ ضلع بہاول پور نال اے اتے او ریٹائرڈ ڈسٹرکٹ اینڈ سیشن جج وی ہین۔ انہاں بطور لیکچرار، ایڈیشنل سیکرٹری محکمہ قانون و پارلیمانی امور وی خدمات انجام ݙتن۔ او اکادمی ادبیات پاکستان دا 3 واری لٹریری ایواڈ ڳھدے اتے انہاں کوں شاندار خدمات تے تمغہ امتیاز وی ݙتا ڳئے۔ حفیظ خان سرائیکی اتے اردو دے ناول نگار و افسانہ نویس ہین۔ انہاں دیاں ݙو درجن توں ودھ کتاباں شائع تھی چُکین۔ انہاں دے ناولاں اچ “ادھ ادھورے لوک، ان واسی، کرک ناتھ، منتارا، حیدر گوٹھ کا بخشن اتے وجود” شامل ہین۔ انہاں پی ٹی وی، روہی اتے وسیب کیتے سرائیکی ڈرامے وی لکھین اتے انہاں کوں پی ٹی وی توں بہترین پلے رائٹر دا ایوارڈ وی ݙتا ڳئے۔ حفیظ خان بطور رجسٹرار آئینی عدالت اپݨیاں ذمہ داریاں سنٻھال تے کم شروع کر ݙتے۔
