بلومبرگ پاکستان دی معیشت اتے سرمایہ کاراں دے اعتماد دی بحالی دا اعلان کرݙتا

اسلام آباد۔15نومبر(اے پی پی) عالمی جریدہ بلومبرگ پاکستان دی معیشت اتے سرمایہ کاراں دے اعتماد دی بحالی دا اعلان کر ݙتا۔ عالمی جریدہ بلومبرگ موجب پاکستان دے ڈالر بانڈز دی قدر وچ ودھارا جاری رہݨ دا امکان اے، جیڑھا جو ایں سال24.5  فیصد منافع دے نال ایشیا وچوں ساریں توں اڳوں اے۔ بلومبرگ موجب پاکستان گزریل ݙو سالاں دے مقابلے وچ ہݨ عالمی قرض مارکیٹ وچ واپسی کیتے تیار اے، ایس اینڈ پی گلوبل اتے فچ ریٹنگز پاکستان دی کریڈٹ ریٹنگ کوں اپ گریڈ کیتا، جیں نال سرمایہ کاراں دے اعتماد کوں تقویت ملی۔ بلومبرگ دے موجب پاکستان دا اڄوکے سال یوآن بانڈز اتے 2026 وچ یورو بانڈ مارکیٹ وچ واپسی دا منصوبہ وی تیار اے، پاکستانی ڈالر بانڈز دی عالمی مارکیٹ وچ واپسی نال سرمایہ کاراں دا اعتماد ݙوگنا کرݙتا۔ عالمی معاشی ماہرین موجب اڳلے 6 توں 12 مہینے وچ عالمی ریٹنگ وچ بہتری اتے عالمی مارکیٹ تئیں رسائی پاکستان دی معاشی بحالی دے محرکات وچ شامل ہن۔ حکومت دی مؤثر معاشی اصلاحات اتے کوششاں نال عالمی سرمایہ کاراں دا پاکستان تے اعتماد بحال تھیوݨ قابل تعریف اے۔ حکومت معاشی استحکام وچ بہتری دا محرک مالیاتی انتظام اتے اصلاحات دی رفتار کوں قرارݙتا۔ عالمی مالیاتی پلیٹ فارم تے پاکستانی معیشت دے مثبت اشاریے اقتصادی استحکام دا منہ ٻولیندا ثبوت ہن۔