تعلیم دے بغیر ترقی ممکن کائںی ، انٹرمیڈیٹ تئیں معیاری تعلیم بنیادی شرط اے، قیصر احمد شیخ

اسلام آباد۔16نومبر(اے پی پی)وفاقی وزیر قیصر احمد شیخ آکھیے پاکستان اتے کوریا دے پنج سالہ منصوبیں دیاں مثالاں ساݙے کیتے پڑھݨ دے قابل ہن، تعلیم توں بغیر ترقی ممکن نئیں، انٹرمیڈیٹ تئیں معیاری تعلیم بنیادی شرط اے، پاکستانی طلباء وچ ٻہوں ساری صلاحیت موجود اے، درست رستہ ݙیسوں تاں دنیا وچ اڳوں ودھسن۔ فاسٹ یونیورسٹی چنیوٹ کیمپس کانووکیشن توں خطاب کریندیں قیصر احمد شیخ آکھیا جو ساݙے گریجویٹس تے ملک دی ترقی دی وݙی ذمہ داری اے، فاسٹ یونیورسٹی چنیوٹ دی کامیابی ݙیکھ تے خوشی تھیندی اے، شروع وچ چنیوٹ کیمپس تے اعتراض کیتا ویندا ہئی، پر اڄ کامیابی ساریں دے سامݨے اے۔ قیصر احمد شیخ آکھیا جو میݙی فیملی اتے کمپنی یونیورسٹی کیتے 10 ایکڑ زمین ݙتی، 10 لکھ روپے گولڈ میڈل حاصل کرݨ آلے طلباء اتے 10 لکھ روپے حقدار طلباء کوں ݙیوݨ دا اعلان کرینداں۔ قیصر احمد شیخ آکھیا جو والدین مبارخ دے حقدار ہن جنہاں ٻالاں کوں اعلیٰ ادارے وچ بھیجا، کمپیوٹر سائنس اتے جدید تعلیم ملک دے مستقبل دی ضمانت اے۔ قیصر احمد شیخ آکھیا جو فاسٹ یونیورسٹی نینگراں کوں عالمی معیار دی تعلیم ݙیندی پئی اے، طلباء اپݨے مستقبل دا بہتر نقشہ آپ بݨاون، محنت اتے مسلسل کوشش ہی کامیابی اے۔