اسلام آباد۔17نومبر (اے پی پی) چیئرمین سینیٹ سید یوسف رضا گیلانی سابق رکنِ قومی اسمبلی مظہر علی خان دے انتقال تے ݙکھ اتے افسوس کریندیں ہوئیں آکھیا جو مرحوم ہک باوقار، اصول پسند اتے عوام دوست پارلیمنٹرین ہن۔ سینیٹ سیکرٹریٹ ولوں جاری بیان دے مطابق انہاں ہمیشہ جمہوری اقداراں دے فروغ اتے عوامی خدمت کوں آپݨا مشن بݨایا اتے ہر فورم تے مؤثر کردار ادا کیتا۔ چیئرمین سینیٹ آکھیا جو …
چیئرمین سینیٹ سید یوسف رضا گیلانی دا سابق رکن قومی اسمبلی مظہر علی خان دے انتقال تے ݙکھ تے افسوس
اسلام آباد۔17نومبر (اے پی پی) چیئرمین سینیٹ سید یوسف رضا گیلانی سابق رکنِ قومی اسمبلی مظہر علی خان دے انتقال تے ݙکھ اتے افسوس کریندیں ہوئیں آکھیا جو مرحوم ہک باوقار، اصول پسند اتے عوام دوست پارلیمنٹرین ہن۔ سینیٹ سیکرٹریٹ ولوں جاری بیان دے مطابق انہاں ہمیشہ جمہوری اقداراں دے فروغ اتے عوامی خدمت کوں آپݨا مشن بݨایا اتے ہر فورم تے مؤثر کردار ادا کیتا۔ چیئرمین سینیٹ آکھیا جو مظہر علی خان دی سیاسی تے سماجی خدمات کوں ہمیشہ قدر دی نگاہ نال ݙیکھیا ویسی۔ انہاں دے انتقال نال ملک ہک مخلص، محبِ وطن اتے عوام دوست سیاسی رہنما توں محروم تھی ڳئے۔ سید یوسف رضا گیلانی مرحوم دے اہلِ خانہ نال دلی تعزیت اتے ہمدردی دا اظہار کریندیں ہوئیں دعا کیتی جو اللہ تعالیٰ مرحوم کوں جنت الفردوس اچ اعلیٰ مقام عطا فرماوے اتے لواحقین کوں صبرِ جمیل عطا کرے۔
