اسلام آباد۔17نومبر(اے پی پی) صدر مملکت آصف علی زرداری کوں چار نویں تعینات تھیوݨ آلے سفراء ایوان صدر اچ ہک تقریب دے دوران اپݨیاں اسناد سفارت پیش کیتن۔ صدر مملکت سفیراں کوں تعیناتی تے مبارکباد ݙتی اتے امید کیتی اے جو انہاں دی تقرریاں پاکستان دے انہاں چار ملکاں نال ݙو طرفہ تعلقات کوں مزید مضبوط بݨاوݨ اچ مدد ݙیسن۔ ایوان صدر دے میڈیا ونگ توں پیر کوں جاری بیان …
صدر مملکت آصف علی زرداری کوں چار ملکاں دے سفراء اپݨیاں اسناد سفارت پیش کیتن
اسلام آباد۔17نومبر(اے پی پی) صدر مملکت آصف علی زرداری کوں چار نویں تعینات تھیوݨ آلے سفراء ایوان صدر اچ ہک تقریب دے دوران اپݨیاں اسناد سفارت پیش کیتن۔ صدر مملکت سفیراں کوں تعیناتی تے مبارکباد ݙتی اتے امید کیتی اے جو انہاں دی تقرریاں پاکستان دے انہاں چار ملکاں نال ݙو طرفہ تعلقات کوں مزید مضبوط بݨاوݨ اچ مدد ݙیسن۔ ایوان صدر دے میڈیا ونگ توں پیر کوں جاری بیان دے مطابق جنہاں سفیراں اسناد سفارت پیش کیتن انہاں اچ آسٹریلیا دے نویں تعینات ہائی کمشنر ٹم کین، ماریشس دے نویں تعینات ہائی کمشنر منسو کرمباکس، ڈنمارک دی نویں مقررہ سفیر میجا مورٹینسن اتے متحدہ عرب امارات دے مقررہ سفیر سالم محمد سالم البواب الزعبی شامل ہن۔ ایوان صدر آمد تے پاکستان دی مسلح افواج دے ہک چاک و چوبند دستے سفیراں کوں گارڈ آف آنر پیش کیتا۔ صدر مملکت آصف علی زرداری ݙو طرفہ تجارت، سکیورٹی اتے دفاعی تعاون کوں ودھاوݨ دی ضرورت تے زور ݙتا اتے اوورسیز پاکستانیاں کوں ݙوہاں ملکاں وچال پُل قرار ݙتا اتے انہاں دے کردار کوں اڳونہا کیتا۔ صدر مملکت چارے سفیراں کیتے انہاں دی تعیناتی دے ویلھے دی کارکردگی بارے نیک خواہشات پچیندے امید کیتی جو انہاں دیاں کوششاں آپسی فائدیاں اتے خوشحالی کیتے مضبوط ݙو طرفہ اتے کئی پاسوں دیاں سانجھے داری دا سبب بݨیسن۔
