اسلام آباد۔18نومبر (اے پی پی) پاکستان اسرائیلی قابض فوجاں اتے انتہا پسند آباد کاراں ولوں مقبوضہ مغربی کنارے اچ فلسطینی عوام دے خلاف مسلسل پر تشدد کارروائیاں دی شدید مذمت کیتی جئیں اچ مسجد اقصیٰ تے ولا ولا دھاوا بولݨ اتے نماز پڑھݨ آلے بندیاں دے خلاف اشتعال انگیزی شامل اے۔ ترجمان دفتر خارجہ ولوں منگل کوں جاری بیان اچ آکھیا ڳیا جو ایہو سویں اقدامات بین الاقوامی قانون اتے …
پاکستان دی مقبوضہ مغربی کنارے اتے مسجد اقصیٰ اچ اسرائیلی اشتعال انگیزیاں دی مذمت
مزید خبراں
اسلام آباد۔18نومبر (اے پی پی) پاکستان اسرائیلی قابض فوجاں اتے انتہا پسند آباد کاراں ولوں مقبوضہ مغربی کنارے اچ فلسطینی عوام دے خلاف مسلسل پر تشدد کارروائیاں دی شدید مذمت کیتی جئیں اچ مسجد اقصیٰ تے ولا ولا دھاوا بولݨ اتے نماز پڑھݨ آلے بندیاں دے خلاف اشتعال انگیزی شامل اے۔ ترجمان دفتر خارجہ ولوں منگل کوں جاری بیان اچ آکھیا ڳیا جو ایہو سویں اقدامات بین الاقوامی قانون اتے اقوام متحدہ دی متعلقہ قرارداداں دی صاف خلاف ورزی ہن۔ ترجمان آپݨے بیان اچ آکھیا جو اے ضروری اے جو مقدس مقامات دے تقدس کوں بین الاقوامی قانون اتے تاریخی حیثیت دے مطابق یقینی بݨایا ونڄے۔ پاکستان عالمی برادری توں مقدس مقامات دے تحفظ کوں یقینی بݨاوݨ، آباد کاراں دے ٻئے تشدد اتے دراندازیاں کوں روکݨ اتے اقوام متحدہ دی متعلقہ قرارداداں کوں برقرار رکھݨ کیتے تیکھے اتے موثر اقدامات کرݨ دا مطالبہ کریندے۔ بیان اچ ٻیا آکھیا ڳیا جو پاکستان ݙو ریاستی حل تے مبنی ہک منصفانہ، جامع اتے دیرپا امن دی حمایت اچ آپݨے اصولی موقف دا اعادہ کریندے جئیں دے نتیجے اچ جون 1967ء توں پہلے دی سرحداں تے مبنی ہک آزاد، خودمختار، قابل عمل اتے جُڑواں فلسطین ریاست دا قیام تھیسی جئیں دا دارالحکومت القدس الشریف ہوسی۔
