اسلام آباد۔ 18 نومبر(اے پی پی): وفاقی جمہوریہ جرمنی دی پاکستان کیتے سفیر اینا لیپل ایسوسی ایٹڈ پریس آف پاکستان (اے پی پی) دے ہیڈکوارٹرز دا دورہ کیتا جتھاں انہاں کوں ریاستی خبر رساں ادارے دے نیوز آپریشنز بارے بریفنگ ݙتی گئی۔ ملاقات اچ ایگزیکٹو ڈائریکٹر اے پی پی سبین عثمان خٹک جرمن سفیر کوں مستند اتے بھروسے آلی خبراں ݙیوݨ اچ اے پی پی دے اہم کردار دا ݙسایا۔ …
جرمنی دی سفیر اینا لیپل دا ایسوسی ایٹڈ پریس آف پاکستان دے ہیڈکوارٹرز دا دورہ، ادارے دے نیوز آپریشنز بارے بریفنگ ݙتی گئی
مزید خبراں
اسلام آباد۔ 18 نومبر(اے پی پی): وفاقی جمہوریہ جرمنی دی پاکستان کیتے سفیر اینا لیپل ایسوسی ایٹڈ پریس آف پاکستان (اے پی پی) دے ہیڈکوارٹرز دا دورہ کیتا جتھاں انہاں کوں ریاستی خبر رساں ادارے دے نیوز آپریشنز بارے بریفنگ ݙتی گئی۔ ملاقات اچ ایگزیکٹو ڈائریکٹر اے پی پی سبین عثمان خٹک جرمن سفیر کوں مستند اتے بھروسے آلی خبراں ݙیوݨ اچ اے پی پی دے اہم کردار دا ݙسایا۔ ڈائریکٹر نیوز اے پی پی شمائلہ عندلیب ادارے دیاں بہوں ساریاں زباناں دیاں خدمات اتے پورے ملک اچ کھنڈیے ہووݨ آلے نمائندیاں دے وڈے نیٹ ورک دے ذریعے کیتے ونڄݨ آلے نیوز آپریشنز دا جائزہ پیش کیتا۔ سفیر اینا لیپل مختلف شعبیاں اچ ڈوہیں پاسوں دے تعلقات کوں مزید مضبوط بݨاوݨ دی لوڑ تے زور ݙیندیں ہوئیں قابل تجدید توانائی، ماحولیاتی تحفظ اتے اقتصادی تعاون دے شعبیاں اچ پاکستان دے نال جرمنی دی شراکت داری کوں اڳونہا کیتے۔ اے پی پی دی ایگزیکٹو ڈائریکٹر جرمن سفیر کوں ریاستی خبر رساں ادارے دے دورے دی یادگار دے طور تے ہک سووینئر پیش کیتے۔ جرمن سفارت خانے دے ہیڈ آف کمیونیکیشن، کلچرل افیئرز اینڈ پروٹوکول جان جیرالڈ کراوسر اتے اے پی پی دے ڈپٹی ڈائریکٹر برائے ڈپلومیٹک اینڈ گلوبل افیئرز مدثر اقبال وی ملاقات اچ موجود ہن۔ بعد اچ جرمن سفیر اے پی پی دے سٹوڈیو دا دورہ کیتا جتھاں انہاں ہک خاص انٹرویو ݙتا اتے پاکستان دے وکھو وکھ شعبیاں اچ جرمنی دی مدد کوں اُچا کیتے
