اسلام آباد۔ 19 نومبر (اے پی پی) وزیراعظم محمد شہباز شریف سہ ملکی کرکٹ سیریز اچ حصہ گھنݨ آلی پاکستان، سری لنکا اتے زمبابوے دی کرکٹ ٹیماں دے اعزاز اچ بدھ کوں وزیراعظم ہاؤس اچ ظہرانہ ݙتا ، ظہرانے اچ وزیراعلیٰ سندھ سید مراد علی شاہ، وزیر داخلہ ٹپ چیئرمین پی سی بی سید محسن رضا نقوی، وفاقی وزیر اطلاعات تے نشریات عطا اللہ تارڑ، وفاقی وزیر ریلوے محمد حنیف …
وزیراعظم شہباز شریف دا سہ ملکی سیریز اچ شامل پاکستان، سری لنکا اتے زمبابوے دی کرکٹ ٹیماں دے اعزاز اچ ظہرانہ
مزید خبراں
اسلام آباد۔ 19 نومبر (اے پی پی) وزیراعظم محمد شہباز شریف سہ ملکی کرکٹ سیریز اچ حصہ گھنݨ آلی پاکستان، سری لنکا اتے زمبابوے دی کرکٹ ٹیماں دے اعزاز اچ بدھ کوں وزیراعظم ہاؤس اچ ظہرانہ ݙتا ، ظہرانے اچ وزیراعلیٰ سندھ سید مراد علی شاہ، وزیر داخلہ ٹپ چیئرمین پی سی بی سید محسن رضا نقوی، وفاقی وزیر اطلاعات تے نشریات عطا اللہ تارڑ، وفاقی وزیر ریلوے محمد حنیف عباسی، سری لنکا دے ہائی کمشنر ریئر ایڈمرل فریڈ سینیویراتھنے اتے زمبابوے دے ہائی کمشنر ٹائیٹس ابو بسوتو وی موجود ہن۔ وزیراعظم آفس دے میڈیا ونگ توں جاری بیان موجب، وزیراعظم آکھیا جو پاکستان، سری لنکا اتے زمبابوے دی کرکٹ ٹیماں پاکستان اچ تھیوݨ آلی سہ ملکی سیریز اچ شرکت کر دے جیہڑے جذبے اتے لگن دا مظاہرہ کیتا، او تعریف دے لائق اے، سارے کھڈاری آپݨے آپݨے مُلک دی بہترین نمائندگی کریندے پئن، میچز اچ کھڈاریاں دے سپورٹس مین سپرٹ اتے آپس اچ احترام دی ایہو جئی مثال قائم کرن جیڑھی جو نینگراں کیتے مشعل راہ ہووے ۔ وزیراعظم آکھیا جو کرکٹ بورڈ چیئرمین پی سی بی محسن نقوی دی سربراہی اچ سیریز دے سارے میچز کوں بہترین انتظامات، موثر حکمت عملی اتے اُچی پیشہ ورانہ مہارت نال کامیابی نال منعقد کریندا پئے۔ انہاں آکھیا جو پاکستان اچ بین الاقوامی کرکٹ دا مسلسل انعقاد مُلک دے مثبت تشخص اتے امن تے استحکام دا ثبوت اے، مُلک اچ جاری سہ ملکی سیریز توں کرکٹ دے شائقین کوں اُچے درجے دا کھیݙ ݙیکھݨ کوں مِلسی ، امید اے جو ترائیں مُلکاں وچال کرکٹ دے ذریعے دوستی اتے آپسی تعاون مزید مضبوط تھیسی اتے پاکستان آوݨ آلے ویلھے اچ ای دنیا بھر دی ٹیماں دی ایں طرح میزبانی کریندا رہ ویسی.
