راولپنڈی۔ 19 نومبر(اے پی پی)پاکستان اتے انڈونیشیا دیاں فوجاں انسداد دہشت گردی آپریشنز دی تربیت کیتے سانجھی مشق کامیابی نال پوری کر ڳھدن۔ بدھ کوں پاک فوج دے شعبہ تعلقات عامہ (آئی ایس پی آر) توں جاری بیان موجب، پاکستان-انڈونیشیا سانجھی انسدادِ دہشت گردی فوجی مشق "شاہین سٹرائیک–ٹو" کامیابی نال ختم تھی ڳئی اے۔ ݙوہیں مُلکاں دی سانجھی فوجی مشق 8 توں 19 نومبر تئیں جاری رہی اے۔ ایں مشق …
پاکستان اتے انڈونیشیا دیاں فوجاں دی انسداد دہشت گردی آپریشنز دی تربیت کیتے سانجھی مشق کامیابی نال مکمل
مزید خبراں
راولپنڈی۔ 19 نومبر(اے پی پی)پاکستان اتے انڈونیشیا دیاں فوجاں انسداد دہشت گردی آپریشنز دی تربیت کیتے سانجھی مشق کامیابی نال پوری کر ڳھدن۔ بدھ کوں پاک فوج دے شعبہ تعلقات عامہ (آئی ایس پی آر) توں جاری بیان موجب، پاکستان-انڈونیشیا سانجھی انسدادِ دہشت گردی فوجی مشق “شاہین سٹرائیک–ٹو” کامیابی نال ختم تھی ڳئی اے۔ ݙوہیں مُلکاں دی سانجھی فوجی مشق 8 توں 19 نومبر تئیں جاری رہی اے۔ ایں مشق دا بنیادی مقصد انسداد دہشت گردی دے آپریشنز ہن، ایں مشق اچ پاکستان آرمی اتے انڈونیشین آرمی دیاں خصوصی جنگی ٹیماں حصہ گھدا اتے سارے تربیتی مقاصد کامیابی نال حاصل کر ڳھدے گئن۔ مشق دا باضابطہ اختتام 18 نومبر کوں تھیا جݙاں جو اختتامی تقریب اچ پاکستان ولوں ہک جنرل آفیسر بطور مہمان خصوصی شرکت کیتی اتے انڈونیشیا ولوں سینئر فوجی حکام شریک تھئن۔ سانجھی مشق اچ ݙوہیں مُلکاں دے دستیاں ودھ پیشہ ورانہ مہارت، آپریشنل قابلیت اتے بھرپور ہم آہنگی ݙکھائی۔ تربیت اچ آبادی آلے علاقیاں اچ کارروائیاں، دہشت گردی مخالف تکنیکاں اتے آئی ای ڈیز دی روک تھام بارے جدید طریقہ کار تے خاص توجہ ݙتی گئی اے۔ آئی ایس پی آر آکھیا جو مشق “شاہین سٹرائیک-II” پاکستان اتے انڈونیشیا وچال دیرپا عسکری تعلقات کوں مزید مضبوط بݨاوݨ اچ اہم کردار ادا کیتا اتے ݙوہیں مُلکاں دے تعاون کوں نویں سنگ میل تئیں پڄائے
