اسلام آباد۔ 19 نومبر (اے پی پی)وفاقی وزیر داخلہ محسن نقوی سعودی عرب دے سفیر نواف بن سعید المالکی نال ملاقات کیتی اتے پاک-سعودیہ تعلقات، ݙو طرفہ تعاون ودھاوݨ اتے سکیورٹی معاملیاں تے الایا۔ سعودی عرب دے سفیر ڈپلومیٹک انکلیو اچ سعودی عرب دے سفارت خانے آوݨ تے وفاقی وزیر داخلہ محسن نقوی دا خیر مقدم کیتا۔ سعودی سفیر اسلام آباد کچہری دے نیڑے خودکش دھماکے دی مذمت کیتی اتے …
وزیر داخلہ محسن نقوی دی سعودی سفیر نواف بن سعید المالکی نال ملاقات
مزید خبراں
اسلام آباد۔ 19 نومبر (اے پی پی)وفاقی وزیر داخلہ محسن نقوی سعودی عرب دے سفیر نواف بن سعید المالکی نال ملاقات کیتی اتے پاک-سعودیہ تعلقات، ݙو طرفہ تعاون ودھاوݨ اتے سکیورٹی معاملیاں تے الایا۔ سعودی عرب دے سفیر ڈپلومیٹک انکلیو اچ سعودی عرب دے سفارت خانے آوݨ تے وفاقی وزیر داخلہ محسن نقوی دا خیر مقدم کیتا۔ سعودی سفیر اسلام آباد کچہری دے نیڑے خودکش دھماکے دی مذمت کیتی اتے دھماکے پاروں تھیوݨ آلے جانی نقصان تے افسوس کیتے۔ انہاں اطمینان کیتے جو پاکستان اتے سعودی عرب وچال برما دے مسلماناں دے لیگل سٹیٹس دا دیرینہ مسئلہ حل تھی ڳئے۔ سعودی سفیر مسئلے دے حل اچ مثبت کردار ادا کرݨ تے حکومت پاکستان دا شکریہ ادا کیتا، ایں سانڳے باضابطہ معاہدے تے آوݨ آلے ہفتے سعودی عرب اچ دستخط کیتے ویسن۔ ملاقات اچ ݙوہیں مُلکاں دی وزارت داخلہ وچال تعاون کوں ودھاوݨ تے وی گالھ مہاڑ کیتی گئی۔ سعودی سفیر آکھیا جو پاکستان دے عوام نال گہرے تعلقات تے ماݨ اے۔ وفاقی سیکرٹری داخلہ محمد خرم آغا وی ایں موقع تے موجود ہن۔
