اسلام آباد۔ 20 نومبر (اے پی پی) وفاقی وزیر برائے قانون تے انصاف سینیٹر اعظم نذیر تارڑ آکھیا جو آئین اچ ترمیم دا اختیار ہمیشہ توں پارلیمان دے کول رہیے اتے جݙاں تئیں پاکستان آئینی طریقے نال چَلدا رہ ویسی، اے اختیار پارلیمان دے کول ای رہسی ۔ انہاں آکھیا جو پارلیمان عوام دے چݨیے ڳئے نمائندیاں تے مشتمل اے اتے مُلک کوں چلاوݨ دا اختیار ایںدے کول ہووݨا چاہیدے، …
پارلیمان اڄوکی آئینی ترمیم نال آئینی عدالت دے قیام دا فیصلہ مُلکی وفاقی ڈھانچے کوں ٻیا مضبوط بݨاوݨ کیتے کیتے، سینیٹر اعظم نذیر تارڑ
مزید خبراں
اسلام آباد۔ 20 نومبر (اے پی پی) وفاقی وزیر برائے قانون تے انصاف سینیٹر اعظم نذیر تارڑ آکھیا جو آئین اچ ترمیم دا اختیار ہمیشہ توں پارلیمان دے کول رہیے اتے جݙاں تئیں پاکستان آئینی طریقے نال چَلدا رہ ویسی، اے اختیار پارلیمان دے کول ای رہسی ۔ انہاں آکھیا جو پارلیمان عوام دے چݨیے ڳئے نمائندیاں تے مشتمل اے اتے مُلک کوں چلاوݨ دا اختیار ایںدے کول ہووݨا چاہیدے، ایہا گالھ آئین دے شروع اچ وی واضح طور تے لکھی ہوئی اے۔ او خمیس کوں مرحوم سینیٹر عرفان صدیقی دی یاد اچ تھیوݨ آلے تعزیتی ریفرنس نال بطور مہمانِ خصوصی خطاب کریندے پئے ہن۔ انہاں آکھیا جو پارلیمان حالیہ آئینی ترمیم دے ذریعے آئینی عدالت دے قیام دا فیصلہ مُلکی وفاقی ڈھانچے کوں ٻیا مضبوط بݨاوݨ کیتے کیتے جئیں اچ چاراں اکائیاں کوں برابر نمائندگی ݙتی ڳئی اے تاںجو قومی سطح دے آئینی تے قانونی معاملیاں اچ توازن برقرار رہ ونجے ۔ سینیٹر اعظم نذیر تارڑ آکھیا جو 2006 اچ وی سیاسی قیادت ایں گالھ تے اتفاق کیتا ہا جو جݙاں صوبیاں دے وچال آئینی تنازعہ ہووے یا کوئی اہم قومی نوعیت دا آئینی سوال عدالت اچ آوے تاں ایہو جئی عدالت ہووݨی چاہیدی اے جئیں اچ سارے اکائیاں دی برابر نمائندگی ہووے۔ مرحوم سینیٹر عرفان صدیقی کوں خراجِ عقیدت پیش کریندیں ہوئیں وفاقی وزیر آکھیا جو او منطق، اعتدال اتے فہم و فراست دے ذریعے مسئلیاں دا حل کڈھݨ دی صلاحیت رکھیندے ہن۔ او اُچے پائے دے صحافی، گہری سوچ آلے سیاستدان اتے شائستہ قلم دے مالک ہن۔ انہاں آکھیا جو عرفان صدیقی دی قومی خدمات اتے فکری جدوجہد کوں ہمیشہ یاد رکھیا ویسی۔
