اسلام آباد۔ 20 نومبر (اے پی پی) وفاقی وزیر داخلہ محسن نقوی قومی ݙینہہ تے سلطنت اومان دی قیادت اتے عوام کوں دلی مبارکباد ݙیندیں ہوئیں آکھیا جو اے اومان دی روشن تاریخ دا ݙینہہ اے، جئیں مُلک کوں اتحاد، استحکام اتے روشن مستقبل دی مضبوط بنیاد ݙتی اے۔ خمیس کوں وزارت داخلہ توں جاری بیان موجب انہاں آکھیا جو اومان دی ولولہ انگیز قیادت اتے سیانا رہنمائی سلطنت اومان …
وزیر داخلہ محسن نقوی دی قومی ݙینہہ تے سلطنت اومان دی قیادت اتے عوام کوں دلی مبارکباد
مزید خبراں
اسلام آباد۔ 20 نومبر (اے پی پی) وفاقی وزیر داخلہ محسن نقوی قومی ݙینہہ تے سلطنت اومان دی قیادت اتے عوام کوں دلی مبارکباد ݙیندیں ہوئیں آکھیا جو اے اومان دی روشن تاریخ دا ݙینہہ اے، جئیں مُلک کوں اتحاد، استحکام اتے روشن مستقبل دی مضبوط بنیاد ݙتی اے۔ خمیس کوں وزارت داخلہ توں جاری بیان موجب انہاں آکھیا جو اومان دی ولولہ انگیز قیادت اتے سیانا رہنمائی سلطنت اومان کوں ترقی اتے خوشحالی دی اُچائیاں تئیں گھن ویندی پئی اے۔ اومان دی معاشی پیشرفت اتے جدید انفراسٹرکچر مُلک دے پائیدار وژن اتے ترقیاتی عزم دی واضح تصویر اے۔ پاکستان اتے اومان دے تعلقات آپسی اعتماد، سانجھیاں قدراں اتے دیرینہ ثقافتی رابطیاں تے قائم ہک مضبوط شراکت داری ہن۔ انہاں آکھیا جو پاک-اومان تعاون خطے دے امن اتے استحکام کیتے ہک مضبوط ستون دی حیثیت رکھیندے۔ عوامی سطح تے رابطے اتے ثقافتی یکجہتی ݙوہیں مُلکاں دی دوستی کوں مزید گہرائی اتے وسعت ݙیندی پئی اے۔ ݙوہیں مُلک مستقبل اچ تجارت، ترقی اتے انسانی وسائل دے شعبیاں اچ نیڑے دے تعاون دے خواہشمند ہن۔ پاکستان اتے اومان دی برادرانہ دوستی آپسی احترام اتے روشن مستقبل دی مضبوط بنیاد دے طور تے آپݨا پندھ جاری رکھے ہوئن۔
