ایئر چیف مارشل ظہیر احمد بابر سدھو دیاں دبئی ایئر شو 2025 دے موقع تے دوست ملکاں دے فضائی سربراہان نال اہم ملاقاتاں

راولپنڈی۔ 20 نومبر(اے پی پی) پاک فضائیہ دے سربراہ ایئر چیف مارشل ظہیر احمد بابر سدھو دبئی ایئر شو 2025 دے موقع تے دوست ملکاں دے فضائی سربراہان نال اہم ملاقاتاں کیتن۔ انہاں جدید تربیت دے شعبے اچ تعاون ودھاوݨ، اُبھرݨ آلی ایرو سپیس ٹیکنالوجیز اچ سانجھ اتے مؤثر آپریشنل ہم آہنگی کیتے طریقہ کار کوں بہتر بݨاوݨ تے ڳالھ مہاڑ کیتی ڳئی۔ آئی ایس پی آر توں جاری بیان دے مطابق، ایئر چیف انڈر سیکرٹری برائے دفاع متحدہ عرب امارات لیفٹیننٹ جنرل پائلٹ ابراہیم ناصر ال علوی اتے کمانڈر متحدہ عرب امارات دے ایئر فورس و ایئر ڈیفنس کمانڈر میجر جنرل راشد محمد الشمسی نال وی تفصیلی ڳالھ کیتی۔ پاکستان ایئر فورس دا دستہ دبئی ایئر شو 2025 اچ شرکت کیتے متحدہ عرب امارات اچ اے۔ ایں دستے اچ جدید جے ایف-17 تھنڈر بلاک-III اتے معروف سپر مشاق ٹرینر جہاز شامل ہن جیڑھے پاکستان دیاں مقامی عسکری فضائی صلاحیتاں اچ ودھدی مہارت دا ݙسیندن۔ ایونٹ اچ جے ایف-17 تھنڈر بلاک-III توجہ دا مرکز رہین، جئیں دفاعی تجزیہ کاراں، ہوابازی دے ماہرین اتے وزیٹرز دی ودھ دلچسپی چھکی۔ آپݨی جدید ترین ٹیکنالوجی، مضبوط جنگی صلاحیتاں اتے میدان اچ ثابت شدہ کارکردگی پاروں ایں جہاز ہک مؤثر اتے گھٹ لاگت آلے ملٹی رول فائٹر دے طور تے آپݨی شہرت کوں مزید مضبوط کیتا۔ پاکستان دی ہوابازی دی صنعت تے ودھدے ہوئے بین الاقوامی اعتماد دا اظہار کریندے ٻہوں سارے ملکاں جے ایف-17 تھنڈر گھنݨ اچ دلچسپی ݙکھائی۔ ہک اہم پیشرفت اچ ہک دوست ملک نال جے ایف-17 تھنڈر دی خریداری کیتے مفاہمتی یادداشت تے دستخط کیتے ڳئے جیڑھا پاکستان دی ودھدی ہوئی دفاعی اتے صنعتی شراکت داریاں اچ ہک ٻیا وݙا سنگ میل اے۔