برسلز۔ 21 نومبر (اے پی پی)نائب وزیراعظم و وزیر خارجہ سینیٹر محمد اسحاق ڈار برسلز اچ چوتھے یورپی یونین انڈو پیسیفک وزارتی فورم دے موقع تے جمہوریہ سلووینیا دی نائب وزیر اعظم، وزیر خارجہ و یورپی امور دی وزیر تنجا فاجون نال ملاقات کیتی۔ ݙوہاں ملکاں وچال ݙوطرفہ تعلقات ودھاوݨ تے گالھ مہاڑ تھئی، سیکرٹری خارجہ آمنہ بلوچ اتے یورپی یونین، بیلجیئم اتے لکسمبرگ کیتے پاکستان دے سفیر رحیم حیات …
نائب وزیراعظم و وزیر خارجہ سینیٹر محمد اسحاق ڈار دی برسلز اچ جمہوریہ سلووینیا دی ہم منصب تنجا فاجون نال ملاقات
مزید خبراں
برسلز۔ 21 نومبر (اے پی پی)نائب وزیراعظم و وزیر خارجہ سینیٹر محمد اسحاق ڈار برسلز اچ چوتھے یورپی یونین انڈو پیسیفک وزارتی فورم دے موقع تے جمہوریہ سلووینیا دی نائب وزیر اعظم، وزیر خارجہ و یورپی امور دی وزیر تنجا فاجون نال ملاقات کیتی۔ ݙوہاں ملکاں وچال ݙوطرفہ تعلقات ودھاوݨ تے گالھ مہاڑ تھئی، سیکرٹری خارجہ آمنہ بلوچ اتے یورپی یونین، بیلجیئم اتے لکسمبرگ کیتے پاکستان دے سفیر رحیم حیات قریشی وی ملاقات اچ موجود ہن۔ جمعہ کوں دفتر خارجہ توں جاری بیان موجب، ملاقات اچ پاکستان اتے سلووینیا وچال ڈوطرفہ تعلقات دے نال نال یورپی یونین دے وݙے فریم ورک اچ تعاون کوں ودھاوݨ تے وی ڳالھ تھئی۔ ملاقات اچ پاکستان اتے جمہوریہ سلووینیا وچال سانجھی دلچسپی دے مختلف شعبیاں اچ تعاون ودھاوݨ دا عزم دوہرایا ڳیا۔ فریقین پاکستان اتے سلووینیا وچال تجارتی و اقتصادی تعاون ودھاوݨ تے زور ݙتے اتے علاقائی و عالمی سلامتی بارے امور تے متعلق پیش رفت تے وی الایا۔ انہاں امن اتے استحکام کوں ودھاوݨ کیتے رل مل تے کم کرݨ تے اتفاق کریندے پاکستان اتے سلووینیا وچال ڈوطرفہ سیاسی مشاورت بارے ہک مفاہمت نامے تے وی دستخط کیتے۔
