حکومت صنعت تے تجارت ودھاوݨ اتے برآمدات اچ ودھارے کیتے نجی شعبے دی ہر ممکن حوصلہ افزائی کریندی پئی اے، سید یوسف رضا گیلانی

ملتان۔ 21 نومبر (اے پی پی) قائم مقام صدر سید یوسف رضا گیلانی آکھیا جو حکومت صنعت تے تجارت ودھاوݨ اتے برآمدات اچ ودھارے کیتے نجی شعبے دی ہر ممکن حوصلہ افزائی کریندی پئی اے، برآمدات اچ ودھارا، روزگار دے موقعے اتے معیشت دی بہتری کیتے نجی شعبے دی کوششاں تعریف دے لائق ہن۔ اے ڳالھیں انہاں ملتان انڈسٹریل اسٹیٹ اچ محمود گروپ آف ٹیکسٹائل ملز دے دورے دے موقع تے کیتی۔ گروپ دے سربراہ خواجہ محمد انیس جدید مشینری، پیداواری عمل، لیبر ویلفیئر پروگرامز اتے برآمدات نال متعلق تفصیلی بریفنگ ݙتی۔ قائم مقام صدر کوں ݙسیا ڳیا جو محمود گروپ جدید ٹیکنالوجی اتے عالمی معیار دے مطابق پائیدار صنعتی طریقیاں دے ذریعے مصنوعات تیار کریندا پئےِ اتے ملک دی ٹیکسٹائل برآمدات اچ اہم کردار ادا کریندا پئےِ۔ ایں موقع تے کپاہ اتے زرعی پیداوار بارے معاملے وی زیرِ بحث آئے۔ سید یوسف رضا گیلانی آکھیا جو ٹیکسٹائل دا شعبہ پاکستان دی برآمدات دی ریڑھ دی ہݙی دی حیثیت رکھیندے جݙاں جو کپاہ ایں صنعت دی بنیاد اےِ۔ انہاں آکھیا جو کپاہ دی فصل اچ بہتری، بج دے معیار، آبپاشی نظام، جدید زرعی تحقیق اتے کساناں دی مدد نال ٹیکسٹائل شعبہ ٻیا مضبوط تھی سڳدے۔ انہاں محمود گروپ دی صنعتی خدمات کوں سراہندیں ہوئیں آکھیا جو حکومت صنعت تے تجارت ودھاوݨ اتے برآمدات اچ ودھارے کیتے نجی شعبے دی ہر ممکن حوصلہ افزائی کریندی پئی اے۔ انہاں آکھیا جو برآمدات اچ ودھارا، روزگار دے موقعے اتے معیشت دی بہتری کیتے نجی شعبے دی کوششاں تعریف دے لائق ہن۔ ایں موقع تے سینئر انتظامی افسران اتے صنعتی شعبے نال وابستہ لوک وی موجود ہن۔