صدرآصف علی زرداری دا بنوں اچ بھارتی سرپرستی اچ سرگرم خوارج دے خلاف کارروائی تے سیکورٹی فورسز کوں خراجِ تحسین

اسلام آباد۔22 نومبر (اے پی پی) صدرِ مملکت آصف علی زرداری بنوں اچ بھارتی سرپرستی اچ سرگرم خوارج دے خلاف مشترکہ انٹیلی جنس آپریشن دی کامیابی تے سیکیورٹی فورسز اتے قانون نافذ کرݨ آلے اداریں کوں خراجِ تحسین پیش کریندے آکھیے جو وطنِ عزیز توں ٻاہرلی پُشت پناہی اچ سرگرم دہشت گرداں دا مکمل خاتمہ ملک دی بقا کیتے ضروری اے۔ ایوان صدر دے میڈیا ونگ توں جاری بیان موجب، صدر مملکت آصف علی زرداری اَٹھ بھارتی پُشت پناہی اچ سرگرم فتنہ الخوارج دے انجام کوں پُجائے ونڄݨ تے جواناں دے عزم و بہادری کوں سلام پیش کیتا۔ صدر مملکت آصف علی زرداری آکھیا جو خوارج دے خلاف مربوط کارروائیاں قومی سلامتی کوں مزید تکڑا بݨا ݙیندن۔ صدرِ مملکت آکھیا جو بھارتی سرپرستی اچ سرگرم منظم دہشت گرداں دے نیٹ ورکس دا خاتمہ پہلی قومی ترجیح اے۔ صدر آصف علی زرداری آکھیا جو وطنِ عزیز توں ٻاہرلی پُشت پناہی اچ سرگرم دہشت گرداں دا مکمل خاتمہ ملک دی بقا کیتے ضروری اے۔