چیئرمین پی سی بی محسن نقوی دا امپائر خضر حیات دے انتقال تے ݙُکھ دا اظہار

راولپنڈی۔ 23 نومبر (اے پی پی) پاکستان کرکٹ بورڈ دے چیئرمین محسن نقوی مشہور امپائر خضر حیات دے انتقال تے ݙُکھ تے افسوس کیتے۔ انہاں ݙکھی خاندان نال تعزیت کریندے آکھیا جو خضر حیات دی وفات پاکستان کرکٹ کیتے ہِک وݙا نقصان اِے۔ محسن نقوی آکھیا جو کرکٹ میچز دے دوران انہاں دے فیصلیں دی دنیا معترف ہئی تے او آپݨے پیشہ ورانہ معیار، دیانت داری اتے تجربے دی وجہ توں منفرد مقام رکھیندے ہَن۔ پاکستان اچ کرکٹ امپائرنگ ہمیشہ انہاں دی خدمات دی احسان مند رہ ویسی۔ مرحوم دے کردار اتے پیشہ ورانہ قابلیت امپائرنگ دے شعبے اچ وݙی مثال قائم کیتی جیں کوں  دیر تئیں یاد رکھیا ویسی۔