اسلام آباد۔ 23 نومبر (اے پی پی) پاکستان غزہ اچ اسرائیلی قابض فوجاں دے اڄوکے حملیں دی شدید لفظاں اچ مذمت کیتی جیں دے نتیجے اچ ٻہوں سارے فلسطینی شہریاں، خاص کر تِرِمتاں اتے ٻالاں دیاں شہادتاں رپورٹ تھئن جݙاں جو کئی لوک زخمی وی تھئن۔ ترجمان دفتر خارجہ موجب ایجھے اقدامات بین الاقوامی قانون، اقوام متحدہ دیاں متعلقہ قرارداداں اتے ہݨے شرم الشیخ اچ طے تھیوݨ آلے امن معاہدے …
پاکستان دی غزہ اچ اسرائیلی قابض فوجاں دے اڄوکے حملیں دی مذمت
مزید خبراں
اسلام آباد۔ 23 نومبر (اے پی پی) پاکستان غزہ اچ اسرائیلی قابض فوجاں دے اڄوکے حملیں دی شدید لفظاں اچ مذمت کیتی جیں دے نتیجے اچ ٻہوں سارے فلسطینی شہریاں، خاص کر تِرِمتاں اتے ٻالاں دیاں شہادتاں رپورٹ تھئن جݙاں جو کئی لوک زخمی وی تھئن۔ ترجمان دفتر خارجہ موجب ایجھے اقدامات بین الاقوامی قانون، اقوام متحدہ دیاں متعلقہ قرارداداں اتے ہݨے شرم الشیخ اچ طے تھیوݨ آلے امن معاہدے دی کھلی خلاف ورزی ہِن۔ بیان اچ آکھیا ڳئے جو اے حملے خطے اچ دیرپا امن تے استحکام کیتے جاری بین الاقوامی کوششاں کوں وی ٻہوں ضیان پڄیندن حکومت پاکستان عالمی برادری تے زور ݙتے جو او وقتی اقدامات کریندے اسرائیلی جارحیت اتے جنگ بندی دی مسلسل خلاف ورزیاں کوں روکے تے بین الاقوامی انسانی حقوق اتے انسانی قوانین دے تحفظ کوں یقینی بݨاوے۔ پاکستان ہِک واری ول آپݨے اصولی موقف دا اعادہ کریندے آکھیا جو او 1967ء توں پہلے دیاں سرحداں موجب آزاد، خودمختار فلسطینی ریاست دے قیام دی حمایت کریندے جیں دا دارالحکومت القدس الشریف ہووے۔
