اسلام آباد۔ 24 نومبر(اے پی پی)ایران دی سپریم نیشنل سکیورٹی کونسل دے سیکرٹری ڈاکٹر علی لاریجانی پاکستان دے ہک تاریخی اتے غیر معمولی دورے اُتے اسلام آباد پُج ڳئن۔ اے دورہ ݙوہاں برادر ملکاں دے ٻہوں دیر توں چلݨ آلے، مضبوط اتے آزمائے ہوئے تعلقات کوں ہک نویں سٹریٹجک مرحلے اچ گھن ونجݨ کیتے ہک اہم قدم اے۔ ایرانی سفارت خانے موجب ݙسایا ڳئے جو بدلدے ہوئے عالمی حالات، علاقائی …
ایرانی مشیر قومی سلامتی ڈاکٹر علی لاریجانی پاکستان پُج ڳئن
مزید خبراں
اسلام آباد۔ 24 نومبر(اے پی پی)ایران دی سپریم نیشنل سکیورٹی کونسل دے سیکرٹری ڈاکٹر علی لاریجانی پاکستان دے ہک تاریخی اتے غیر معمولی دورے اُتے اسلام آباد پُج ڳئن۔ اے دورہ ݙوہاں برادر ملکاں دے ٻہوں دیر توں چلݨ آلے، مضبوط اتے آزمائے ہوئے تعلقات کوں ہک نویں سٹریٹجک مرحلے اچ گھن ونجݨ کیتے ہک اہم قدم اے۔ ایرانی سفارت خانے موجب ݙسایا ڳئے جو بدلدے ہوئے عالمی حالات، علاقائی صورتحال اتے خطے دے نویں سٹریٹجک تقاضیاں کوں ݙیھدے ہوئیں پاکستان اتے ایران وچال تعاون کوں مزید مضبوط، مربوط اتے جدید خطوط تے قائم کرݨ دی لوڑھ پہلے توں ودھ ڳئی اے۔ ڈاکٹر لاریجانی دا اے اہم دورہ ایں سمت اچ ہک وݙا قدم سمجھیا ویندا پئے۔ دورے اچ ݙوہاں ملکاں دے وفود سیاسی، سکیورٹی، سرحدی انتظام، انسداد دہشت گردی، معاشی تعاون اتے علاقائی استحکام دے معاملیاں تے جامع اتے نتیجہ خیز گالھ مہاڑ کیتی ویسی۔
