وزیراعظم محمد شہباز شریف 26 توں 27 نومبر تئیں سلطنت بحرین دا سرکاری دورہ کریسن، دفتر خارجہ

اسلام آباد۔ 25 نومبر(اے پی پی)وزیراعظم محمد شہباز شریف 26 توں 27 نومبر تئیں سلطنت بحرین دا سرکاری دورہ کریسن۔ اے دورہ ݙوہاں برادر ملکاں وچال دیرینہ اتے ہر پاسوں دے تعلقات دی نویں راہ کݙھݨ اتے مزید مضبوطی کوں ݙکھیندے۔ وزیراعظم دے نال ہک اعلیٰ سطح وفد وی ہوسی جیںدے اچ نائب وزیراعظم و وزیر خارجہ سینیٹر محمد اسحاق ڈار، وفاقی وزراء اتے سینئر حکام شامل ہوسن۔ منگل کوں دفتر خارجہ توں جاری ہک بیان دے مطابق، دورے دے دوران وزیراعظم بحرین دی قیادت نال اعلیی سطح دیاں ملاقاتاں کریسن جنہاں اچ تجارت، سرمایہ کاری، توانائی، ٹیکنالوجی، تعلیم اتے ثقافت دے شعبیاں اچ ݙو طرفہ تعاون کوں مزید ودھاوݨ تے ڳالھ مہاڑ کیتی ویسی۔ اے دورہ پاکستان اتے بحرین وچال روایتی طور تے ودھ دوستانہ تعلقات کوں مزید مضبوط کرݨ، شراکت دے نویں مواقعیں دی نشاندہی اتے عوامی سطح تے رابطیاں کوں ڳُوڑھا کرݨ اچ مدد ݙیسی۔ اے سرکاری دورہ سلطنت بحرین دے نال پاکستان دی لڳاتار سفارتی رحجاݨ اتے ݙوہاں ملکاں وچال نتیجہ خیز اتے سٹریٹجک شراکت داری دے ودھاوݨ کیتے پاکستان دے پکے عزم کوں ݙکھیندے۔