اسلام آباد۔26نومبر (اے پی پی)وزیراعظم محمد شہباز شریف بحرین دے ڈو ڈینھ دے دورے تے روانہ تھی ڳئے۔ پی ایم آفس دے میڈیا ونگ دے بیان موجب وزیراعظم 26 توں 27 نومبر تئیں بحرین دا سرکاری دورہ کریسن۔ انہاں دے وفد اچ نائب وزیراعظم تے وزیر خارجہ سینیٹر محمد اسحاق ڈار، وفاقی وزیر اتے سینئر افسر وی شامل ہن۔ دورے دے دوران وزیراعظم محمد شہباز شریف بحرین دے بادشاہ حمد …
وزیراعظم محمد شہباز شریف بحرین دے ݙو ݙینھ دے دورے تے روانہ تھی گئے
مزید خبراں
اسلام آباد۔26نومبر (اے پی پی)وزیراعظم محمد شہباز شریف بحرین دے ڈو ڈینھ دے دورے تے روانہ تھی ڳئے۔ پی ایم آفس دے میڈیا ونگ دے بیان موجب وزیراعظم 26 توں 27 نومبر تئیں بحرین دا سرکاری دورہ کریسن۔ انہاں دے وفد اچ نائب وزیراعظم تے وزیر خارجہ سینیٹر محمد اسحاق ڈار، وفاقی وزیر اتے سینئر افسر وی شامل ہن۔ دورے دے دوران وزیراعظم محمد شہباز شریف بحرین دے بادشاہ حمد بن عیسیٰ الخلیفہ، ولی عہد تے وزیراعظم شہزادہ سلمان بن حمد الخلیفہ اتے بحرین دے نائب وزیراعظم شیخ خالد بن عبداللہ الخلیفہ نال ملاقات کریسن۔ اے سرکاری دورہ بحرین نال پاکستان دے پراݨے اتے چنگے تعلقات دی نشانی اے، جئیں دا مقصد ڈوہیں ملکاں وچال نتائج تے مبنی اتے تزویراتی سانجھ کوں ودھاوݨ اے۔ ایں دورے نال پہلے توں موجود گرمجوشی اتے خوشگوار تعلقات کوں تقویت ملسی، نویں سانجھ دی راہواں کھلسن اتے عوام توں عوام دے رابطے گہرے تھیسن، جیہڑا ڈوہیں ملکاں دے فائدہ مند تعاون اچ حصہ پُوسی۔
